د افغانستان لپاره د ملګروملتونو د اقلیمي بدلون یا کاپ۲۹ نړیوالې غونډې د پایلو ارزولو په موخه د اقلیمي بدلون یو ورځنی ملي کنفرانس نن چهارشنبه، مرغومې ۲۶مه» کابل کې جوړ شو. هغه له نړیوالې ټولنې وغوښتل چې د اقلیمي بدلون د اغېزو کمولو په برخه کې افغانستان سره همکاري وکړي.
د هرات محلي مسوولان وايي چې د هراتښار د ۱۳مې ناحیې په سیمه کې د تېلو ۶۰ هټۍ، د خوندیتابه اړوند سپارښتونو د نهرعایتولو له امله تړل شوي دي.
د هرات نفت او ګازو ریاست استازي همداراز ټينګار وکړ چې د یاد ولایت د تېلو پلورونکو هټیو ته ۱۴ مادهییز لارښوود ورکړل شوی او په وینا یې، که دغه مادې چا رعایت نهکړې، قانوني چلن به ورسره وکړي.
د پکتيکا مرکز ښرنې ښار داخل کې د ښاروالي له لوري د ۲۲ ميليونه افغانيو په لګښت د يوه سړک د اساسي جوړونې چارې پيل شوې.
د مسوولانو په وينا، د ياد سړک پر جوړېدو سره به ښاريانو ته د تګراتګ پرمهال اسانتياوې رامنځته شي.
د لوګر د بدنې روزنې او ورزش امریت چارواکي وایي چې د سوک وهنې فدارسیون له لوري په مرکز پلعلم کې درې ولایتونو په کچه ژمنۍ سیالي ترسره شوې.
د ميدانوردګ د اطلاعاتو او فرهنګ رياست مسوولان وایي په روان کال کې ۵۷ نوې لرغونې ابدې ثبت او راجستر کړې چې يوشمېر یې سلګونه کاله تاريخي مخينه لري. مجاهد پر وينا، په يادو ثبت شویو تاريخي ابدو کې مهم زيارتونه، لويې کلاوې، جوماتونه او د کاشانيانو د وخت استوپې شاملې دي چې سلګونه کاله تاريخي مخينه لري.
د اوکراین چارواکي ادعا کوي چې د جګړې له پیل راهیسې یې، پر روسیې تر ټولو لوی هوايي برید کړی دی.
د اوکراین او د روسیې ترمنځ د روانې جګړې نږدې درې کاله پوره کېږي.
غزه کې چارواکي وايي چې نن چهارشنبه، جنورۍ ۱۵مې سهار راهیسې په بېلابېلو سیمو کې د اسراییلو د بریدونو له امله ۲۲ کسانو خپل ژوند له لاسه ورکړی دی.
پاکستان کې د سکرېټ څښلو اړوند ناروغۍ له امله د کال څه باندې ۱۰۰زره کسان خپل ژوند له لاسه ورکوي چې سوېلياسیا کې د مړینې تر تولو لوړه کچه ده.
یادې مړینې ته په کتو دغه هېواد کې دا چاره د عمومي روغتیا د یوې سترې ننګونې ښکارندوینه کوي. پاکستان دا مهال د سیمې په کچه د سګرېټ څښولو له امله د اړوند ناروغیو د مړینې ۷۸.۱سلنه او په نړیواله کچه ۷۲.۶سلنه مړینه لري.
