د پکتيکا مرکز ښرنې اړوند د «پلتوني بند» چارې نن دوشنبه، زمري ۲۹مه په شاوخوا ۸۵۰ میلیونه افغانۍ په لګښت د سرپرست حکومت د لوړو پوړو چارواکو په شتون کې بېرته پيل شوې.
د رییسالوزرا اقتصادي مرستيال عبدالغني برادر د دغه بند د چارو پرانیستو مراسمو ته وویل، هېواد کې د اوبو مديريت د اوسني حکومت په لومړيتوبونو کې دي.
د روزګان چهارچینو اوسېدونکي وايي چې سیمه کې یې، روغتیايي خدمتونه نشته او ډېری وخت یې، ناروغان نورو روغتیايي مرکزونو ته د لېږد پرمهال ساه ورکوي.
پاکستاني رسنیو د دغه هېواد د دولتي چارواکو قوله راپور ورکړی چې د روان میلادي کال د جولای له ۲۱مې د اګست تر ۱۷مې شاوخوا ۳۲زره او ۲۰۰ افغان کډوال بېرته افغانستان ته استول شوي دي. له دغه هېواد څخه د ناقانونه افغان کډوالو د ایستلو بهیر له پیل راهیسې، نږدې اووه سوه زره کډوال افغانستان ته ستانه کړل شوي دي.
سلاموطندار له مډرن او کلاسیک اړخه د ځوانانو د ژوند سبک ارزونې په موخه د هېواد په ۲۵ ولایتونو کې سروې کړې چې دې سروې کې ۵۴۵ نجونو او هلکانو ګډون کړی دی.
د سروې پایلې ښيي چې ډېری ځوانان په خپل ژوند کې د عصري او کلاسیک سبکونو د یو ځای کېدو په لټه کې دي.
د امریکا د بهرنیو چارو وزیر انتوني بلینکن، اسراییلو ته د خپل سفر پرمهال په غزه کې پر اوربند ټینګار وکړ او د سولې، روانې خبرې یې، د بندیانو د خلاصون او اوربند د ټینګښت لپاره «وروستی فرصت» بللی دی.
له ایرانه یوشمېر راستانه شوي افغان کډوال هغه هېواد کې له تاوتریخوالي او افغانستان کې له بېوزلۍ شکایت کوي. له ایرانه بېرته راستانه شوي افغان کډوال وايي، هېواد ته له راستنېدو وروسته د وزګارتیا له امله ګڼو ستونزو سره مخ دي.
پرې غزې د اسراییلي ځواکونو د مرګونو بریدونو په لړ کې تېره ورځ د برید پرمهال د یوې کورنۍ د شپږو ماشومانو په ګډون ۲۵ کسان وژل شوي دي.
الجزیرې خبري شبکې نن دوشنبه، اګسټ ۲۹مه راپور ورکړی چې دغه کسان د تېرې یوې شپې او ورځې پرمهال وژل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
