د ټولګټو وزارت مسوولان وايي چې تېر لمریز کال کې د کابل ـ جلالاباد لویې لارې د بیارغولو په ګډون د شاوخوا ۵۶۰ پرمختیايي پروژو چارې بشپړې شوي دي.
دغه څرګندونې د یاد وزارت مسوولانو نن دوشنبه، زمري ۲۲مه کابل کې د امارتي ادارو د یو کلنو لاسته راوړنو د تشرېح پروګرام کې کړې دي.
په غزني کې د معلولو کسانو او بېسرپرسته ماشومانو ته د حرفوي زدهکړو په یوه مرکز کې د خیاطۍ، د چرګانو روزنې او د موبایلونو د ترمیم په برخه کې زدهکړې ورکول کېږي..
اسماعیل چې په دغه مرکز کې د موبایلونو د ترمیم په برخه کې زدهکړې کوي، وايي چې له دې لارې به د خپلې کورنۍ اړتیاوې برابرې کړي.
د تېرې یوې شپې او ورځې پرمهال په غزه کې د اسراییلي ځواکونو په بریدونو کې لږ تر لږه ۲۵ فلسطینیان وژل شوي دي.
الجزیرې خبري شبکې نن دوشنبه، اګسټ ۱۲مه راپور ورکړی چې د فلسطین د احصایې مرکزي ادارې ارقام ښیې، اسراییلي ځواکونو د اکتوبر له ۷ راهیسې د غزې تړانګې ۱.۸ سلنه نفوس وژلی دی.
د افغانستان بانک مسوولان وايي چې سبا «سهشنبه، زمري ۲۳مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د زمري ۲۲مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سهشنبه «۱۵» میلیونه امریکايي ډالر لیلام کړي.
د شپږیزې کرېکټ لیګ سیالي نن دوشنبه، زمري ۲۲مه په کابل کې کرېکټ لوبغالي کې د یو لړ مراسمو په ترڅ کې پیل شوې.
د یاد لیګ په لومړۍ لوبه کې بندامیر ډراګنز لوبډلې د سپین غر ټایګرز پر وړاندې لوبه وکړه چې دغه لوبه یې، د ۱۹ منډو په توپیر وګټله.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
