د هند په ټامېلناډو ایالت کې چارواکي وايي چې دغه ایالت کې ۳۶کسان د شرابو څښلو له امله مړه شوي او شاوخوا ۶۰ نور روغتون ته وړل شوې دي.
رویټرز خبري اژانس نن پنجشنبه، جون ۲۰مه راپور ورکړی چې دغه کسان تېره ورځ د ټامېلناډو مرکز چینای څخه ۲۵۰کیلومټره لرې په کلاکوریچي ولسوالي کې د شرابو له څښلو وروسته د معدې درد، کانګو او اسهالاتو سره مخ شوي وو.
د پاکستان په پنجاب کې پولیس وايي چې په فیصلاباد ښار کې د کمپیوټر بټرۍ د چاودنې له امله د یوې کورنۍ دوه غړي وژل شوي او اووه نور ټپیان دي.
د پاکستان جیونیوز رسنۍ د ژغورونکې ډلې له قوله ویلي چې د بټرۍ چاودېدو وروسته اورلګېدنه رامنځته شوې چې پرمهال یې د یادې کورنۍ دوه غړي وژل شوي او اووه نور ټپیان شوې دي.
د پاکستان په خېبرپښتونخوا ایالت کې پولیس وايي چې د یاد ایالت اړوند سیمو کې د خپلمنځي شخړو له امله اته کسان وژل شوي دي.
د پولیسو په وینا، لومړۍ پېښه کې چې د یاد ایالت په مردان سیمه کې رامنځته شوې، یوه کس خپل پلار او دوه ورونه په ډزو وژلي او مور یې ټپي کړې ده.
د افغانستان کرېکټ ملي لوبډله نن د شل اووره سیالیو نړیوال جام د اتو غوره لوبډلو پړاو «۱ ګروپ» کې د هند کرېکټ ملي لوبډلې سره سیالي کوي.
ټاکل شوې چې یاده لوبه نن پنجشنبه، جون ۲۰مه د افغانستان پر وخت ماښام ۷ بجې پیل شي. له دغه ګروپ څخه په شویو دوو سیالیو کې سوېليافریقا، امریکا او انګلستان بیا وېسټانډیز ته ماتې ورکړې.
کاناډا د ایران سپاه پاسداران انقلابي ګارډ (IRGC) د دغه هېواد د ترهګرۍ تور لېسټ کې شامل کړه او له خپلو وګړو یې غوښتنه وکړه چې ایران ته له تلو ډډه وکړي.
د کاناډا حکومت چهارشنبه، جون ۲۰مه دا اعلان وکړ او وې ویل چې دا ګام به د ترهګرۍ تمویل پر وړاندې د مبارزې برخه کې له دوی سره مرسته وکړي.
د لوګر اطلاعاتو او فرهنګ ریاست چارواکي وایي چې د محمدمنصور څاروان په نوم یوه افغان له جرمني څخه افغانستان ته په موټرسایکل راغلی دی.
د دغه ولایت د اطلاعاتو او کلتور ریاست رییس رفېعالله صمیم سلاموطندار ته وویل، محمدمنصور څاروان له اته کاله ځنډ وروسته له جرمني څخه افغانستان ته په موټرسایکل راغلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
