د اسراییلي ځواکونو له لوري په رفاع ښار کې یوه روغتون ته نږدې پر یوې ودانۍ د برید له کبله ۲۰ کسان وژل شوي او لسګونه نور ټپیان دي.
الجزیرې خبري اژانس نن «جمعه، دسمبر ۲۹مه» راپور ورکړی چې برید پر هغه ودانۍ شوی چې له بېځایه شویو کسانو ډکه وه. په وژل شویو کې ښځې او ماشومان هم شامل دي.
په راپور کې ویل شوي چې ژغورنې ډلې تر خاورو لاندې د احتمالي پاتې ژوندي کسانو د را اېستلو پر عملیاتو بوخت دي.
په ورته مهال فلسطیني چارواکو د پنجشنبې پر ورځ ویلي چې د اسراییلو په هوايي بریدونو کې شاوخوا ۵۰ کسان وژل شوي او ګڼشمېر نور ټپیان دي.
په کلابنده غزه کې خلک وايي چې د ځان خوندي ساتلو لپاره ځای نهلري او هره شېبه د اسرییلي ځواکونو لهخوا پرې درنې بمبارۍ کېږي.
د اکتوبر له اوومې راپدېخوا د اسراییلي ځواکونو لهخوا په هوايي او ځمکنیو عملیاتو کې ۲۱۳۲۰ فلسطینیان وژل شوي او څه باندې ۵۵زره نور ټپیان شوې دي.
سلاموطندار پر ټویټر هم وڅارئ
په دې موده کې د حماس ډلې لهخوا پر اسراییلو د برید له کبله څه باندې ۱۲۰۰ اسراییلي وګړي او وژل شوي دي.