د فلسطین روغتیايي چارواکو ویلي، پر غزې د اسراییلي ځواکونو تازه برید کې دوه کسان وژل شوي.
نړیوالو رسنیو راپور ورکړی چې یاد کسان د اسراییلي پوځ د تېرې ورځې هوايي برید کې چې د غزې ښار پر یوه کور ترسره شوی، خپل ژوند له لاسه ورکړی.
د راپورونو له مخې، همدې برید کې غزې ښار کې یو شمېر نور فلسطینیان ټپیان شوي هم دي.
اسراییلو ویلي، دا برید غچاخیستونکی و او د حماس له لوري د دوی د ځواکونو په نښه کېدو په غبرګون کې ترسره شوی.
د اسراییل پوځ په وینا، د حماس وسلهوالو د چهارشنبې په ورځ د دغه هېواد پر ځواکونو ډزې کړې وې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
سره له دې چې د تېر کال د اکټوبر میاشت کې د اسراییلو او حماس ترمنځ اوربند اعلان شوی، خو د دواړو لورو ترمنځ نښتې نهدي درېدلي او هر لوری بل د اوربند په نقض تورنوي.
د فلسطین د روغتیا وزارت د شمېرو له مخې، د اسراییلو او حماس ترمنځ د اوربند له پیلېدو راهیسې تراوسه له ۴۰۰ څخه زیات فلسطینیان وژل شوي.
اسراییلو هم ویلي چې د اوربند له هوکړې وروسته یې ۳ سرتېري له لاسه ورکړي دي.