د فلسطین اسلامي غورځنګ «حماس» وايي، غزه کې پر یوه ښوونځي د اسراییلي ځواکونو په هوايي برید کې ۱۵ کسان وژل شوي دي.
رویټرز خبري اژانس نن یکشنبه، اګسټ څلورمه راپور ورکړی چې دغه ښوونځي کې له جکړې بېځایه شوي مېشت وو.
د سلاموطندار پښتو فېسبوکپاڼه وڅارئ
دغه برید وروسته له هغې کېږي چې په لوېدځه غاړه کې د حماس ډلې د یوه مهم قومندان په ګډون نهه کسان د اسراییلو په یوه هوايي بریدونو کې ووژل شول.
په لوېدیځه غاړه کې د غزې له جګړې وړاندې هم د اسراییلو لهخوا په پرلهپسې توګه بریدونه او تاوتریخوالی شوی چې د غزې له جګړې راهیسې دې سیمه کې هم بریدونه زیات شوي دي.
بلخوا د فلسطینیانو له لوري پر اسراییلو بریدونه هم زیات شوي چې ډېری یې، پر سړکونو او کوڅو د چړو ګزارونه دي چې اسراییلیان په نښه کېږي.
اسراییلو ویلي چې دغه کور کې د حماس ډلې قومندان او وسلهوال اوسېدل او د وسلو جوړولو لپاره کارول کېده، خو حماس بیا دا ردوي چې ګواکې دوی دې، له ښوونځیو او روغتونونو د نظامي موخو لپاره وکاروي.
پر غزې د اسراییلو برید راهیسې تر دې مهاله څه باندې ۳۹۵۵۰ وژل شوي او څه باندې ۹۰زره نور ټپیان دي.