د کډوالۍ نړیوال سازمان «ایاواېم» وايي چې په افغانستان کې شاوخوا ۱۴ میلیونه کسان روغتیايي خدمتونو ته د لاسرسي لپاره مرستو ته اړتیا لري.
دې سازمان د روغتیا نړیوالې ورځې په مناسبت ټینګار کړی چې روغتیايي خدمتونه یو بنسټیز اړتیا ده او نه باید د امتیاز په توګه وي.
یاد سازمان ویلي چې د هغو کډوالو او راستنېدونکو لپاره چې افغانستان ته بېرته ستانه شوي، هڅه کړې، څو د بیړنیو او حیاتي روغتیايي خدماتو د برابرولو زمینه برابره کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، ګڼشمېر بېځایه شوې کورنۍ او راستنېدونکي په سرحدي او لرې پرتو سیمو کې له جدي روغتیايي ستونزو سره مخ دي او بنسټیزو خدماتو ته لاسرسی نهلري.
د کلینیکونو نشتوالی، د طبي وسایلو کمښت او د مسلکي کارکوونکو نشتوالی د دې لامل شوی چې د ناروغانو او اړمنو کسانو وضعیت لا پسې ستونزمن شي.
کارپوهان خبرداری ورکوي چې که د روغتیايي سکتور د پیاوړتیا لپاره بیړني ګامونه پورته نه شي، نو د بشري وضعیت خرابوالی به نور هم زیات شي.