د کندهار د کرنې، اوبولګولو او مالدارۍ ریاست چارواکي وايي چې دغه ولایت کې د ۳۵ شنوخونو له ډلې، ۱۳ شنې خونې جوړې او ګټېاخیستنې ته سپارل شوي دي.
دغه شنېخونې یاد ریاست د بدیل معیشت پراختیايي بودیجې له لارې، د یوه خصوصي ودانیز شرکت په تخنیکي همکارۍ او د کرنیزو چارو او طبیعي سرچینو آمریتونو تر څار لاندې جوړېږي.
یاده پروژه چې د ښکته میوند، لوړ میوند، زېړۍ، ډنډ، دامان او پنجوايي ولسوالیو لپاره طرحه شوې، ټولټال ۳۵ شنېخونې پهکې شاملې دي.
د یادو شنوخونو پر جوړېدو ۶ میلیونه او ۴۴۰زره افغانیو لګښت کېږي چې تر دې دمه، په ډنډ او دامان ولسوالیو کې ۱۳ شنېخونې بشپړې شوي او ګټېاخیستنې ته سپارل شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د طبیعي سرچینو امریت انجینیر نورمحمد همکار وايي، د پاتې شنوخونو د جوړولو چارې دوام لري او ډېر ژر به یې، چارې بشپړې او بزګرانو ته وسپارل شي.
د دغو شنوخونو جوړولو اصلي موخه د کوکنارو پر ځای بدیلې او اغېزمنې کرنیزې لارې پیاوړې کول، په یخ موسم کې د سبو حاصلاتو ترلاسه کول، میکانیزه کرنې ته وده ورکول او د بزګرانو اقتصادي وضعیت ښه کول دي.
د کرنې ریاست وایي چې د پروژو د پليکېدو پرمهال پر وخت څارنه کوي او په وینا یې، د بزګرانو اړتیاوې به په سمه توګه برابرې شي.