غزني کې د کابل ـ کندهار پر لویهلار د ټرافیکي پېښې پرمهال د ښځو او ماشومانو په ګډون ۱۱ کسانو ته مرګژوبله اوښتې.
د غزني د امنیې قومنداني ویاند خالد سرحدي وویل، پېښه نن (یکشنبه، سنبله دویمه) د کابل ـ کندهار پر لویهلار د غزني ښار د څلورمې امنیتي حوزې اړوند سیمه کې د دوو موټرو ترمنځ د ټکر له امله شوې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه وویل، دغه پېښه کښې د یوه ماشوم په ګډون دوه کسان مړه شوي او د ښځو او ماشومانو په ګډون ۹ نور ټپیان شوي دي.
د پېښې لامل د موټر چلوونکو بېاحتیاطي ښوول شوی او ټپيان هم د غزني ولایتي روغتون ته لېږدول شوي دي.
د یادونې ده چې هېواد کې ډېری ټرافیکي پېښې د موټرچلوونکو بېاحتیاطۍ او تېز سرعت په دلیل رامنځ ته کیږي چې تر ډېره په کې ملکي وګړو ته مرګژوبله اوړي.