د برازیل امنیتي چارواکو ویلي، د دغه هېواد سویل کې یوه باروړونکي موټر سره د مسافروړونکي موټر د ټکر له لامله، ۱۱ کسان وژل شوي او ۷ نور ټپیان دي.
رویټرز اژانس راپور ورکړی چې دغه پېښه تېره ورځ له غرمې وړاندې د «ریو ګرانده دوسول» ایالت لویهلاره کې شوې.
د پولیسو په وینا، د موټرو د مخامخ ټکر پر مهال د باروړونکي موټر توکي د مسافرو پر بس ورغلي چې له امله یې د ژغورنې او مرستندویو عملیاتو بهیر له جدي ستونزو سره مخ شوی.
تراوسه د پېښې رامنځ ته کېدو لامل نه دی روښانه شوی، خو امنیتي چارواکي وايي چې په تړاو یې څېړنې روانې دي.