انسان د یوه منفعت غوښتونکې موجود په توګه، تل داسې یو ځای لټوي چې په کې د هغه مادي او معنوي اړوتیاوې پوره شي او دا د تاریخ په اوږدو کې په خپل قوت پاتې دی. په ټوله کې کډوالۍ په تیر او اوسمهال کې يوه نوې تجربه او د انسانونو د ژوند ستونزو څخه د وتلو لاره ده.
افغانستان د نړۍ دویم هغه هیواد دی، چې د نفوس ډېره برخه یې ځوانان دي، خو د اوزګارتیا کچه په کې له ۲۴ څخه تر ۴۰ سلنې ده او نړۍ ته تر ټولو ډېر کډوال استوي.
د نړیوال بانک یو رپوټ دا ثابتوي، چې له ۲۰۱۵ میلادي کال را وروسته د افغانستان ۵۰ سلنې کډوالي، د اقتصادي کاریګرو کډوالۍ پورې اړه لري.
