باختر دولت آژانسی، کابل شهری ده هندولر عبادتخانه‌سیده قوراللی هجومچیلر و اسلامی امارت کوچلری اورته‌سیده توقنشوو یکونیدن خبر بیرگن.
باختر اوز توییتری ده یازیشیچه، کابل شهری ده هندولر عبادتخانه‌سی اوستیگه اویوشتیریلگن قوراللی هجوم، ۱ قوراللی هجومچی نینگ هلاک ایتیلیشی بیلن یکونلنگن.
بیزلرنینگ فیسبوک صحیفه‌میزگه باش اورینگ!
باختر دولت آژآنسی نینگ ایتیشیچه، اوشبو هجوم ده هندو وطنداش‌لریدن بیری جان بیرگن و باشقه ۷ کیشی یره‌لنگن. باختر نینگ کوپه‌یتیریشیچه، تازه‌لش عملیات جریانیده، اسلامی امارت کوچلری دن بیری جان بیرگن.
بوندن آلدین ایچکی ایشلر وزیرلیگی، بوگون ایرته‌لب ساعت ۶:۳۰ اطرافی ده (شنبه، ۲۸جوزا)، قوراللی بیر گروه که حاضرگه قدر کیم‌لیگی بیللی بولمه‌گن، کابل شهری کارته پروان حدودی ده هندولر عبادتخانه‌سی گه هجوم قیلگنینی ایتگندی.
اوشبو وزیرلیک سوزلاوچیسی عبدالنافع تکور بیر بیانیه ترقه‌تیب ایتیشیچه، قوراللی کیشی‌لر مذکور عبادتخانه گه کیریش دن آلدین، قوریقچی‌لری اوستیگه قول بمبی تشله‌گن که نتیجه ده یانغین صادر بولیب و قوریقچیلردن ایکیته‌سی یره‌لنگن.
بیزلرنینگ توییترده هم تعقیب قیلینگ!
اونگه کوره، قوراللی هجومچیلر، بمب ییرلشتیریلگن بیر موترنی اهالی آره‌سیده پارتله‌تیشنی قصد قیلگن ایکنلر، بیراق مقصد گه ایتیشمسدن آلدین، مذکور موتر پارتله‌تیلگن و کیمسه گه زیان ییتمه‌گن.
ایچکی ایشلر وزیرلیگی سوزلاوچیسی نینک کوپه‌یتیریشیچه، قوراللی هجومچیلر عبادتخانه ایچیده قمراوگه قالگن و ساحه‌نی تازه‌لش عملیات دوام ایتماقده. حاضرگه قدر اوشبو پارتلش‌لر مسئولیتینی هیچ کیم یا گروه اوز زمه‌سیگه آلمه‌گن.
