افغانستان بوییچه اروپا بیرلشمه‌سی نینگ خاص نمانیده‌سی توماس نیکلسن، ۶ دولتی نهاد نینگ اورته‌دن کیتگنی خصوصیده اسلامی امارت نینگ قراری گه قرشی عکس‌العمل کورستیب و ایتگن که، افغانستان ده اونملی نهاد‌لر نینگ اورته‌دن کیتگزیش خواطرلنتیرووچی دیر.
اسلامی امارت سرپرست حکومتی ینگی‌لیکده بیر مکتوب آرقه‌لی، انسان حقوقی مستقل کمیسیونی نینگ اداری و خدماتی تشکیلاتی، اساسی قانون تطبیقی گه نظارت قیلووچی کمیسیونی، عالی مصالحه کینگشی، ملی خوفسیزلیک کینگشی و نماینده‌لر و سنا مجلس دارالانشا‌لری نی اورته‌دن کیتکزگن.
اروپا بیرلشمه‌سی نینگ خاص نماینده‌سی توییتر صحیفه‌سیده یازگن که، افغانستان ده دهه‌لر اوروش و آتیشمه‌دن کیین، اوشبو نهاد‌لر گه کوپراق نیاز بولگن بیرحالده، اوشبو نهاد‌لر اورته‌دن کیتگن.
بیزلرنینگ توییترده هم تعقیب قیلینگ!
اروپا بیرلشمه‌سی نینگ ایلچیسی وان برانت، اسلامی امارت نینگ اوشبو قراری قرشی گه ایتگن که، قانونی دولت‌لر نهاد‌لر ساختاریده اوزگزیش کیتیریش گه حق‌لری بار و بو ایش عمومی آواز بیریش یا-ده پارلمان‌ده آواز بیریش‌دن کیین، یوز بیره‌دی.
اونینگ کوپه‌‌یتیریشیچه، ینگی بیر موسسه طراحی بولگنیدن کیین، بیر موسسه نینگ اصلاح بولیشی ممکن، بیراق اونینگ اورغولشیچه، بولردن هیچ بیری اسلامی امارت حکومتی‌ده یوز بیرمه‌گن.
اروپا بیرلشمه ایلچیسی نینگ اورغولشیچه، انسان حقوقی نینگ ملی نهادلری، دنیا بیلن ارتباطی کوپریگی دیر، بیراق افغانستانده اوشبو کوپریک‌لر حاضر ایسه تخریب بولماقده، اونینگ بیان قیلیشیچه، افغانستان ملی وحدت گه نیازی بار و بو اقدام‌لر یانلیش دیر.
شونده‌ی بیرحالده، افغانستان بوییچه آلمان خاص نماینده‌سی جاسپر ویک نینگ ایتیشیچه، اونملی نهاد‌لر نینگ اورته‌دن کیتگزیشافغانستان ده انسان حقوقی، ملی مصالحه و قانون حاکمیتی خصوصیده قیین‌چیلیک یره‌ته‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، دولتی ۶ نهاد نینگ اورته‌دن کیتگنی، ۶ مینگ گه یقیین ایشلاوچی نی نابیللی تقدیرده قرار بیرگن. مذکور ایشلاوچیلردن قطاری نینگ سلام‌وطندار گه ایتیش‌لریچه، اوشبو نهاد‌لر ینگی‌لیکده اورته‌دن کیتگن؛ بیراق اولر نیچه ایدن بیری معاش قولگه کیلتیرمه‌گنلر.
بیراق اسلامی امارت سوزلاوچیسی اورین‌باسرلریدن انعام‌الله سمنگانی نینگ ایتیشیچه، قویاش ۱۴۰۱_ییل نینگ ملی بودیجه‌سی واقعیت‌لر اساسیده ترتیب بولگن؛ چونکه اداره‌لردن بیر قطاری گه نیاز ایمس ایدی و اولر نینگ فعالیت‌لری یوق ایدی و اولر گه بودیجه‌ده سهم بیریلمه‌گن ایدی، او یوزدن اورته‌دن کیلتگن و کیله‌جکده قیته فعال بولیشی ممکن.
بیرینچی مرته ایمس که اسلامی امارت تامانیدن دولتی ادره‌لر اورته‌دن کیتگن، بلکیم بوندن آلدین هم مستقل سیلاو کمیسیونی، سیلاو شکایتلر کمیسیونی و عیاللر وزیرلیگی شامل باشقه اداره‌لردن قطاری حکومت‌ده حذف بولگن.
