اوتگن کون سه‌شنبه، ۱۳ جدی، اسلام امیرلیگی سوزلاوچیسی ذبیح‌الله مجاهد «افغانستان و پاکستان مناسبتی گه دایر اسلام امیرلیگی سوزلاوچیسی نینگ بیاناتی» عنوانیده بیر بیانیه ترقه‌تیب ایتیشیچه، اسلام امیرلیگی پاکستان شامل برچه قوشنی‌لری بیلن یخشی مناسبتده بولیشنی ایسته‌یدی.
جناب مجاهد اوشبو بیانیه ده کوپه‌یتیریشیچه، سونگی کونلرده افغانستان گه دایر پاکستان رسمی‌لری نینگ ناتوغری بیاناتی، تأسفلی دیر.
اسلام امیرلیگی سوزلاوچیسی گه کوره، اسلام امیرلیگی حکومتی افغانستان توپراغیدن نه فقط پاکستان بلکه هیچ بیر مملکت گه قرشی هجوم بولمسلیک مقصدیده سعی و حرکت قیلماقده.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه: «بیز بوتوغریده متعهد میز، لیکن پاکستان تامانی وضعیتنی باشقریش و تحریک قیلووچی بیانات‌لردن باش تارتیش گه مسئول دیر؛ چونکه بو گَل سوزلر ایشانچ‌سیزلیککه سبب بوله‌دی و هیچ کیم نینگ منفعتی گه ایمس دیر.»
ذبیح‌الله مجاهد نینگ کوپه‌یتیریشیچه، اسلام امیرلیگی افغانستان و منطقه ده دایمی ثبات برقرار ایتیلیشی مقصدیده سعی و حرکت قیلماقده.
بو سوزلر عین‌حالده بیان بولماقده که، ینگی‌لیکده پاکستان مدافعه وزیری خواجه محمدآصف اسلام امیرلیگی بیلن بولگن کیلیشوو گه قرشی، افغانستان توپراغیدن پاکستان برابریده فایده له‌نیله‌دی. اونینگ کوپه‌یتیریشیچه، اسلام امیرلیگی حکومتی افغانستان توپراغیدن پاکستان گه قرشی فایده له‌نیلمسلیک وعده‌سینی بیرگن.
پاکستان رسمی‌لری، افغانستان اسلام امیرلیگی پاکستان طالبلر تحریکی گه جای بیریب و اوشبو گروه افغانستان توپراغیدن پاکستان گه قرشی هجوم قیلیش اوچون تیارگرلیک کوره یاتگنینی بیلدیرگن.
بیزلرنینگ توییترده هم تعقیب قیلینگ!
عین‌حالده، پاکستان ملی خوفسیزلیک کینگشی، هیچ بیر مملکت عصیانچی گروه‌لر گه جای بیریب و اولر گه امکانیت بیریش گه حقی یوق دیب تأکید ایتگن. پاکستان باش وزیری شهباز شریف ییتکچیلیگیده یولگه قوییلگن اوشبو مملکت ملی خوفسیزلیک کینگشی نینگ رسمی بیانیه‌سی گه بناً، پاکستان اوز فقرالری دن دفاع قیلیش اوچون برچه حقوقی دن فایده لنه‌دی.
ایتیش کیره‌ک که بوندن آلدین، پاکستان ایچکی ایشلر وزیری رانا ثناءالله، پاکستان طالبلر تحریکی اعضالری افغانستان ده فعالیت قیله‌دی و نیاز بولگن حالده، اولر گه قرشی حربی عملیات یولگه قوییلیشینی ایتگن ایدی.