پاکستان مملکتی‌‌ده پاکستان طالبلر تحریکی هجوم‌لری کوپه‌یشی بیلن، اوشبو مملکت ملی خوفسیزلیک کینگشی سیاسی و حربی رسمی‌لر حضوری بیلن بیر ییغین یولگه قوییگن.
مذکور ییغین‌ده، هیچ بیر مملکت ترورچی گروه‌لر گه جای بیریب و اولر گه امکانیت یره‌تیش گه حقی یوق‌لیگی و شونینگدیک صلح مذاکره‌لری بولمه‌ی و تروریزم گه قرشی کوره‌شیش اوستیگه تأکید ایتیلگن.
بیزلرنینگ فیسبوک صحیفه‌میزگه باش اورینگ!
شونینگدیک اوشبو کینگش گه کوره، پاکستان اوز فقرالری‌دن دفاع قیلیش اوچون برچه حقوقی‌دن فایده لنه‌دی. اوشبو ییغین نینگ یکونی‌ده پاکستان باش وزیری شهباز شریف نینگ ایتیشیچه: «اوتگن کون ملی خوفسیزلیک کینگشی نیچه ساعت بحت و تیکشیریش‌دن کیین اونملی قرار‌لر نی آلدی. ایکی مورد کوپ مهم دیر؛ پاکستان حکومتی اوز قانون‌لری گه قرشی چیقگن تیرورچیلر گه نسبتا نول طاقت سیاستی نی قبول قیلدی و صلح مزاکره‌لری بولمه‌یدی.»
مذکور بیانات شونده‌ی بیرحالده بیان بولگن که، نیچه کون آلدین پاکستان ایچکی ایشلر وزیری، افغانستان پاکستان‌لیک طالبلر نینگ تینچ باش پناه‌سی بولگنی خصوصیده آگاه‌لنتیریب و اسلام امیر‌لیگی‌دن اوشبو پایگاه نی خراب قیلیشی نی ایسته‌گن ایدی که، عکسینچه حالده، هجوم قیلیشی ممکن.
شونده‌ی بیرحالده، خلق‌ارا رابطه‌لر تدقیقات‌چیسی سید شفیق‌الله نینگ ایتیشیچه، بو کبی بیانات و هشدارلر، خلق‌ارا توزوم‌ده مشروعیتی یوق.
باشقه بیر تامان‌دن، خلق‌ارا مسئله‌لر تحلیل‌چیسی نظیراحمد رزاقی نینگ ایتیشیچه، تاریخی نقطه نظردن، افغانستان و پاکستان نینگ رابطه‌سی دایم یامان ایدی و بو ینگی بیر نرسه ایمس.
بیزلرنینگ توییترده هم تعقیب قیلینگ!
عین حالده، سیاسی ایش بیلرمان‌لردن سید‌ذکرالله هاشمی نینگ ایتیشیچه، پاکستان اقتصادی قیینچیلیکلر و باشقه بیر قطار ایچکی قیینچیلیکلر سبب، مذکور قیینچیلیکلر نی ایجاد قیله‌دی.
ایتیش کیره‌ک که، پاکستان‌لیک طالبلر، پاکستان حکومتی بیلن آتش کیسین قیلگنیدن کیین، اوتمیش هفته‌لرده اوشبو مملکت توپراغیده کوپینچه هجوم‌لر نی یولگه قوییگن.
