ایچکی ایشلر وزیرلیگی کابل شهری ده هندولر عبادتخانه‌سیده پارتلش یوز بیرگنینی تصدیقله‌دی. مذکور وزیرلیک نینگ ایتیشیچه، بوگون ایرته‌لب ساعت ۶:۳۰ اطرافی ده (شنبه، ۲۸جوزا)، قوراللی بیر گروه که حاضرگه قدر کیم‌لیگی بیللی بولمه‌گن، کابل شهری کارته پروان حدودی ده هندولر عبادتخانه‌سی گه هجوم قیلگن.
ایچکی ایشلر وزیرلیگی نینگ سوزلاوچیسی عبدالنافع تکور بیر بیانیه ترقه‌تیب ایتیشیچه، قوراللی کیشی‌لر مذکور عبادتخانه گه کیریش دن آلدین، قوریقچی‌لری اوستیگه قول بمبی تشله‌گن که نتیجه ده یانغین صادر بولیب و قوریقچیلردن ایکیته‌سی یره‌لنگن.
بیزلرنینگ فیسبوک صحیفه‌میزگه باش اورینگ!
اونگه کوره، قوراللی هجومچیلر، بمب ییرلشتیریلگن بیر موترنی اهالی آره‌سیده پارتله‌تیشنی قصد قیلگن ایکنلر، بیراق مقصد گه ایتیشمسدن آلدین، مذکور موتر پارتله‌تیلگن و کیمسه گه زیان ییتمه‌گن.
ایچکی ایشلر وزیرلیگی سوزلاوچیسی نینک کوپه‌یتیریشیچه، قوراللی هجومچیلر عبادتخانه ایچیده قمراوگه قالگن و ساحه‌نی تازه‌لش عملیات دوام ایتماقده.
بوگون ایرته‌لب، منبع‌لر و واقعه گواه‌لری سلام‌وطندار بیلن اوتکزگن صحبت‌لریده، کابل شهری کارته پروان منطقه‌سی «باغ بالا» حدودلریده هندولر عبادتخانه‌سی یقینیده ایکی پارتلش یوز بیرگنیدن خبر بیرگن ایدیلر.
بیزلرنینگ توییترده هم تعقیب قیلینگ!
منبع‌لر گه کوره، ایکی پارتلش سیسی ایشتیلیشیدن کیین، واقعه محلی دن اوق سیسی ایشیتیلگن.
حاضرگه قدر اوشبو پارتلش‌لر مسئولیتینی هیچ کیم یا گروه زمه‌سیگه آلمه‌گن.
