خلق‌ارا قیزیل خاچ تشکیلاتی گه کوره، افغانستانده صحی ایچیملی سوو گه قول تاپیش، نیچه ییل دوام ایتگن ماجرالردن تاثیرلنیب و اوشبو مملکتده‌گی اوروش باعث سوو منبع‌لری باشقریلمه‌گن.
قیزیل خاچ بوگون (سه‌شنبه، ۲حمل) خلق‌ارا سوو کونی مناسبتی بیلن توییتری‌ده یازیشیچه، افغانستانده سوو بحرانینی آلدینی آلیش اوچون سوو منبع‌لری باشقریلیشی کیره‌ک.
بیزلرنینگ فیسبوک صحیفه‌میزگه باش اورینگ!
عین‌حالده، بیرلشگن ملت‌لر تشکیلاتی نینگ باله‌لرنی قوللب-قوتلش صندوقی یا یونیسف نینگ ایتیشیچه، افغانستانده ۹۳ فایز باله‌لر صحی ایچیملی سوو گه آز دسترسلیکلری بار یا ده اصلا دسترسلیکلری یوق دیر.
یونیسف نینگ کوپه‌یتیریشیچه، افغانستان بویلب سوو تنقیص‌لیگی باله‌لر حیاتینی خطر گه روپه‌رو قیلگن. مذکور نهاد گه کوره، ۲۰۲۲-ییل‌ده، افغانستانده ۱۱.۵ میلیون کیشی، صحی ایچیملی سوو بیلن تأمینله‌نیش لری کوتیله‌دی.
بیزلرنینگ توییترده هم تعقیب قیلینگ!
یونیسف گه کوره، حاضرگی کونده افغانستان نینگ قریب ۱۰۰ فایز اهالی‌سی ییر آستی سوولری‌دن فایده لنه‌دیلر؛ بیراق ییر آستی سوو منبع‌لری اوشبو مملکت اکثر حدودلری اینیقسه شهرلرده، کوزگه کورینرلی درجه‌ده کمه‌یگن.
یونیسف، سوو منبع‌لری باشقریلیشی اوچون حل یول قیدیریلیشینی تأکید ایته‌دی.
