افغانستان تشقی ایشلر وزیرلیگی سوزلاوچیسی عبدالقهار بلخی، دوشنبه کیچه، ۸-عقرب، اوز «ایکس» صحیفه‌سیده، اوشبو وزیرلیک سرپرستی امیرخان متقی بیلن تورکیه تشقی ایشلر وزیری هاکان فیدان نینگ مذکور مملکت پایتختی انقره ده اوچره‌شگنی‌دن خبر بیرگن.
تشقی ایشلر وزیرلیگی سوزلاوچیسی نینگ یازیشیچه، اوشبو اوچره‌شووده ایکی تامان، ایکی تامان‌لمه رابطه‌لر و دیپلماتیک علاقه‌لر سطحی کوچه‌یشی، سوداگرلیک ینگی کریدور‌لر و منطقه‌وی موضوع‌لر خصوصیده صحبت قیلگنلر.
بیزلرنینگ «ایکس» ترماغی ده هم تعقیب قیلینگ!
عبدالقهار بلخی نینگ ایتیشیچه: «ایکی مملکت تشقی ایشلر وزیرلری بو کبی ییغین‌لر یولگه قوییلیشی و بیر بیرلری بیلن همکارلیک قیلیش گه تأکید‌لب و بو کبی ییغین‌لر نینگ دوام قیلیشی خصوصیده خورسند‌لیک بیلدیرگنلر.»
جناب بلخی گه کوره، امیرخان متقی تورکیه یاردم‌لریدن خورسند‌لیک بیلدیریب و انقره و استانبول ده افغانستان ینگی دیپلمات‌لری نینگ قبول‌لینشی نی، ایکی تامان رابطه‌لریده یخشی یوتوق عنوان قیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تورکیه تشقی ایشلر وزیری مذکور اوچره‌شووده ایتیشیچه، ایکی مملکت ایناغه کبی دیر و تورکیه افغانستان بیلن دوستلیگی نی دوام بیریشی ممکن. اونینگ کوپه‌یتیریشیچه: «بوندن بویان افغانستان ده قوراللی مخالفت‌لر نینگ بولمسلیگی کیره‌ک.»
تشقی ایشلر وزیرلیگی سوزلاوچیسی نینگ یازیشیچه، تورکیه تشقی ایشلر وزیری افغانستان حکومتی بیلن تورلی بولیم‌لرده ظرفیت کوچه‌یشی خصوصیده همکارلیک قیلیش اوچون تیارگرلیک بیلدیرگن دیر.
