کابل ده عیال‌لردن قطاری بوگون ینه بیرمرته سرک‌لر گه توکیلیب و «نان، ایش، آزادلیک» شعاری نی بیردیلر. اولر قشاق‌لیک کوپه‌یشی و اسلامی امارت تامانیدن خاتین قیزلر گه قرشی چیکلاولر دوامی اوچون اعتراض قیلگنلر.
کابل نینگ شهرنوی‌ده «حاجی یعقوب» تورت‌یولیده یولگه قوییلیشی گه قرار آلینگن اوشبو اعتراض، اسلامی امارت کوچلری نینگ ممانعتی بیلن روپه‌ره بولدی. عیال‌لردن قطاری نینگ ایتیش‌لریچه، اولر تهدید بیلن چیکلنتیریلیب و شونینگدیک اولر گه قطع‌نامه‌لری نینگ اوقیشلری اوچون هم رخصت بیریلمه‌گن.
بیزلرنینگ فیسبوک صحیفه‌میزگه باش اورینگ!
منبع‌لردن بیری نینگ سلام‌وطندار گه ایتیشیچه، اعتراض جریانیدن عکس و ویدیو آلنگنلر اسلامی امارت کوچلری نینگ زوروانلیگی بیلن روپه‌رو بولیب و کلتک‌لنگنلر. ایتیلیشچه، خبرچیلر گه هم اعتراض‌نی پوشش بیریش اوچون رخصت بیریلمه‌گن. شونینگدیک سلام‌وطندار خبرچیسی رومان کریمی اوشبو اعتراض‌دن گزارش توزه‌تیش اوچون کیتگن ایکن، بیراق سلام‌وطندار نینگ هیداوچیلریدن بیری بیلن حاضرگچه یوقالیب و اولردن هیچ خبر یوق.
معترض عیال‌لر قطع‌نامه‌لریده ایتگنلر که، اسلامی امارت قدرت گه ایریشگنیدن بویان، قشاق‌لیک و ایش‌سیزلیک کوپه‌یگن و شونینگدیک یشاوچیلردن قطاری دستلبکی ماده‌لر گه قول تاپه آلمه‌دیلر.
قطع‌نامه ده کیلگن که، اسلامی امارت مسئوللری مملکت مدیریت چوکی‌لریده، «راحت بیر شکلده اولتیرگنلر، بیراق اهالی قیین‌چیلیگی نینگ حل قیلش و قشاق‌لیک نینگ اورته‌دن کیتگزیش اورنیده، عیال‌لر گه چیکلاو یره‌تیش و یشاوچیلر نینگ خصوصی ایشلری گه دخالت قیلیش اوچون بوتون کوچ و امکانیتی نی قولگه آلگنلر.»
معترض‌لر اسلامی امارت گه باسیم‌لر نینگ کوپه‌یشی نی ایسته‌یدیلر که، سرپرست حکومت قشاق‌لیک و اهالی نینگ ایش‌سیزلیک‌دن قوتقریشی اوچون حل یول تاپیب و اهالی برابریده اوزلری نی مسئول بیلیش‌لری کیره‌ک. اولر نینگ کوپه‌یتیریش‌لریچه، تشقی یاردم بیرووچی نهاد‌لر و یاردم بیرووچی مملکت‌لر یاردم‌لری نینگ ترقه‌تیلیشی گه درست نظارت قیلمه‌‌ی و یاردم‌لردن کوپ قطاری اسلامی امارت مسئوللری نینگ هدایتی بیلن خاص ولایت‌لر و منطقه‌لر گه ترقه‌تیله‌دی و حقیقی مستحق‌لر ایسه اوشبو یاردم‌لردن محروم قاله‌دیلر.
بیزلرنینگ توییترده هم تعقیب قیلینگ!
شونینگدیک معترض عیال‌لر تیزلیککه ۶-صنف‌دن یوقاری قیزلر مکتب‌لری نینگ آچیلیشی و شونینگدیک اهالی‌دن «دهشت‌لی شرایط» برابریده جیم تورمه‌ی و هر قنده‌ی شرایط‌ده اوز حق‌لریدن دفاع قیلیش‌لری نی سوره‌گن.
شونده‌ی بیرحالده، اسلامی امارت نینگ قدرت گه ایریشگنیدن کیین، سرپرست حکومت تامانیدن عیال‌لر گه چیکلاولر یره‌تیلگن، عیال‌لر نیچه مرته اعتراض قیلیب و حق‌لری نی سوره‌گنلر؛ بیراق اوشبو اعتراض‌لر هردایم زوروانلیک بیلن روپه‌رو بولگن.
