روسیه جمهور باشلیغی ولادیمیر پوتین قزاقستان گه رسمی دولت تشریفی بیلن بارهدی.
قزاقستان جمهورلیک ریاستی مطبوعات خذمتی، بوگون (۴ جوزا/۲۵می، دوشنبه) بیر بیانیه ترقهتیب ولادیمیر پوتین ۲۷-۲۹ می کونلری اوشبو مملکت گه باریشینی بیلدیرگن.
معلوم قیلینیشیچه، تشریف قزاقستان جمهور باشلیغی قاسم جومارت توقایف تکلیفی گه بناً عملگه آشیریلهدی.
تشریف دایرهسیده پوتین و توقایف ایکی دولت اورتهسیدهگی کینگ قمراولی استراتیژیک همکارلیکنینگ حاضرگی حالتی همده اونی ینهده مستحکملش حقیده بحث قیلیشلری کوتیلهدی.
شونینگدیک، ۲۸ می کونی ایکی دولت رهبری اورآسیا اقتصادی فورمیده اشتراک ایتهدی. فورمگه اوشبو اتفاققه اعضا مملکتلر رهبرلری هم کیلیشی ریجهلشتیریلگن.
ایکی مملکت رهبرلری سونگی بار مسکوده بولیب اوتگن غلبه رژهسیده قتنهشیش بهانهسیده اوچرهشگن ایدی.
ایسلهتیب اوتهمیز، بوندن ایلگری روسیه جمهور باشلیغی ولادیمیر پوتین روسیه-چین اورتهسیدهگی یخشی قوشنیچیلیک، دوستلیک و همکارلیک توغریسیدهگی شرطنامهنینگ ۲۵ ییللیگی مناسبتی بیلن پکن گه رسمی تشریف بیلن بارگن ایدی.
