افغانستان اوچون روسیه نینگ مخصوص نماینده‌سی ضمیر کابلوف نینگ ایتیشیچه، کیله‌سی هفته اوشبو مملکت پایتختی مسکو ده افغانستان خصوصیده خوفسیزلیک ییغیلیش یولگه قوییلیشی ممکن.
افغانستان اوچون روسیه نینگ مخصوص نماینده‌سی ضمیر کابلوف جمعه کونی، ۱۴ دلو، تاس آژانسی بیلن اوتکزگن صحبتیده، مذکور ییغیلیش کیله‌سی هفته اوتکزیلیشی ممکن دیگن.
بیزلرنینگ فیسبوک صحیفه‌میزگه باش اورینگ!
افغانستان اوچون روسیه نینگ مخصوص نماینده‌سی، اوشبو ییغیلیش اوتکزیلیش تاریخی باره‌سیده هیچ نرسه دیمه‌گن. مذکور ییغیلیش ده افغانستان نماینده‌سی چقیریلمه‌گن.
ضمیر کابلوف نینگ کوپه‌یتیریشیچه، اوشبو ییغیلیش ده مرکزی آسیا اولکه‌لری نینگ خوفسیزلیک کینگشی کاتب‌لری، پاکستان، هندوستان و چین، افغانستان و منطقه خوفسیزلیگی وضعیتی خصوصیده بحث ایتیش‌لری کوتیله‌دی.
جناب کابلوف نینگ ایتیشیچه: «منطقه‌وی ییغیلیش بولیشی ممکن، منطقه مملکت‌لر، مرکزی آسیا شریک‌لریمیز نینگ خوفسیزلیک کینگشی کاتب‌لری و شوکبی پاکستان، هندوستان و چین دن تکلیف بولگن.»
بیزلرنینگ توییترده هم تعقیب قیلینگ!
ایتیش کیره‌ک، ۲۰۲۲_ییل ۲۷ می ده، تاجیکستان پایتختی دوشنبه ده، خوفسیزلیک یوقاری مرتبه‌لی رسمی‌لر ارا افغانستان خصوصیده نیچه تامانلمه تورتینچی دور ییغیلیش بولیب اوتگن ایدی.
