قرغیزستان ملی احصائیه کمیتهسی، بو مملکت آلتی آی دوامیده خارج گه عمومی قیمتی اوچ میلیون ۲۸۴ مینگ ۱۰۰ دالر بولگن ۱۴ مینگ ۸۲۳ باش ییریک شاخلی چاروا ماللر، چیتایل گه صادر قیلینگنیدن خبر بیردی.
معلوماتلر گه کوره، قرغیزستاننینگ ییریک شاخلی چاروا ماللرینی صادر قیلیش حجمی میلادی ۲۰۲۵ ییلنینگ جون آیی گه نسبتن ۳۲ فایز گه آشگن. شونینگدیک خارج گه ۸۴ مینگ ۸۰۰ دالرلیک ۱۹۴ باش آت ساتیلگن. کورستکیچدهگی اوسیش ۲۷.۶ فایزنی تشکیل ایتگن.
تیریک اوی پرندهلرینی صادر قیلیش بیش مینگ ۶۰۰ تگچه عمومی قیمتی اوچ مینگ ۵۰۰ دالر کمهیگن. بو اوتگن ییلگی درجهنینگ بار-یاغی ۲۴.۱ فایزینی تشکیل ایتهدی. شونینگدیک، بیرینچی یریم ییللیکده قوی و ایچکی چیتایل اولکهلریگه هیچ ساتیلمهگن.
وارد قیلوچیلر آرهسیده مطلق ییتکچی اوزبیکستان بولگن – اوشبو مملکت قرغیزستاندن آلیب چیقیلگن چاروانینگ دییرلی بوتون حجمینی ساتیب آلگنی ایتیلگن.
قرغیزستان مرکزی آسیا اولکهلریدن بیری حسابلنهدی، اقتصادی کوپراق ایکینچیلیک، چارواچیلیک، کانچیلیک و سودا-ساتیققه باغلیق.
