وال‌استریت ژورنال کونده‌لیگی تامانیدن ترقه‌تیلگن گزارش گه کوره، آمریکا رسمی‌لری افغانستان امنیتی وضعیتی یمان بولگنی سبب، قالگن حربی‌لری، دیپلمات‌لری و یشاوچیلری نینگ جان‌لرینی خطر بیلن دوچ کیلمه‌یشی اوچون اوشبو مملکت نینگ کابلده‌گی ایلچی‌خانه‌سینی بوشه‌تیلیشی‌نی سرعت‌لنتیرگن.
وال‌استریت ژورنال تامانیدن نشر ایتیلگن گزارش گه ایتیلیشیچه، آمریکا نینگ کابلده‌گی ایلچی‌خانه‌سی بوشه‌تیلیشی بیلن اوشبو ایلچی‌خانه ایشلاوچی‌لری چیککه‌سیده باشقه مینگلرچه آمریکالیک یشاوچی‌لرنی افغانستاندن چیقاریلیشی ممکن. آمریکا رسمی‌لری نینگ ایتیش‌لریچه، ایلچی‌خانه نینگ تیزلیک بیلن بوشه‌تیلیشی نیاز ایمس و بو برنامه نهایی بولگن یوق، لیکن اوشبو ریجه عاجل بولگنی مطرح دیر. آمریکا مقام‌لریگه کوره، بو برنامه‌نی عملگه آشیریلیشی اوچون اردو اوشبو مملکت تشقی ایشلر وزیرلیگی بیلن هماهنگ‌لیک قیلماقده.
آمریکا رسمی‌لری نینگ تاکید قیلیش‌لریچه، بو برنامه جزییاتی طبقه‌بندلیک ایتیلگن و محرم دیر، بیراق اوشبو مملکت اوچاغ‌لر و خدمه‌لرینی کابل هوا قونالغه‌سیگه جایلشتیرماقده.
وال‌استریت ژورنال نینگ گزارشی‌گه ایتیلیشیچه، اوشبو تیارگرلیکلر آمریکالیک حربی‌لرنینگ افغانستاندن چیقیشی‌نی بیر بولیمی دیر، آمریکا مدافعه وزیرلیگی مذکور ریجه آگست آیی نینگ اداغیگچه یکونله‌نیشیدن خبر بیرگن ایدی.
بوندن آلدین افغانستان جمهور رییسی محمداشرف غنی و ملی مصالحه کینگشی باشلیغی عبدالله عبدالله آمریکا گه سفر قیلیب اوشبو مملکت یوقاری مرتبه‌لی رسمی‌لری بیلن اوچره‌شگن ایدی و آمریکا رسمی‌لری ملکی حضورلری ادامه تاپیشیدن ایشانچ بیرگن ایدی.
ایتیلیشیچه، آمریکا حربی‌لری نینگ سونگی دسته‌سی اوتگن کونی بگرام قرارگاهی‌نی ترک قیلیب افغانستان امنیتی کوچلریگه تاپشیرگن ایدی.
