قندوز امنیه قوماندان‌لیگی نینگ سوزلاوچیسی عبیدالله عابدی نینگ سلام وطندار گه ایتیشیچه، قندوز شهری گه قره‌شلی حدودلرده ۴ واکسیناتور، بوگون نامعلوم قورالی کیشی‌لر تامانیدن علیحیده ایکی واقعه‌ده اوققه توتیلیب اولدیریلگن.
جناب عابدی گه کوره، ایکی واکسیناتور قندوز شهری ۴-حوزه حدودلری گه قره‌شلی «سرک میدان بزکشی» ساحه‌سی و باشقه ایکی واکسیناتور مذکور شهر نینگ «سه درک» حدودی گه تیگیشلی «نمرۀ سیاف» ساحه‌سیده نشانگه آلینیب اولدیریلگن‌لر.
بیزلرنینگ فیسبوک صحیفه‌میزگه باش اورینگ!
قندوز امنیه قوماندان‌لیگی نینگ سوزلاوچیسی گه کوره، اولر بو توغریده تدقیقات‌لرینی باشله‌گن و کیینگی معلومات لرینی میدیالر بیلن شریک قیله‌دیلر. او نینگ ایتیشیچه، اولدیریلگن واکسیناتورلردن بیرته‌سی عیال و باشقه اوچ ته‌سی ایرکک دیر.
باشقه تاماندن، قندوز حوزه‌وی کسلخانه سیده بیر منبع نینگ سلام وطندار گه ایتیشیچه، بوگون ۴ یره‌لی واکسیناتور بو کسلخانه گه آلیب کیلیندی و کسلخانه گه انتقال بیریلیش لریدن کیین برچه‌سی جان بیردیلر.
بیزلرنینگ توییترده هم تعقیب قیلینگ!
اوشبو واقعه مسئولیتینی حاضرگچه هیچ بیر گروه تن آلمه‌گن.