بیرلشگن ملتلر تشکیلاتینینگ بالهلرنی قوللب-قوتلاوچی صندیغی افغانستان بولیمی (یونیسف) بالهلر و اولرنینگ عایلهلری ایچیملیک سوو بیلن تأمینلنیشی اوچون، افغانستان ۴ ولایتیده سوو تأمیناتی تیزیملرینی قیته تیکلهگنینی بیلدیردی.
اوشبو اداره، ۳۰ جدی/ ۲۰ جنوری، سهشنبه کونی ایکس صحیفهسیده بیر بیانیه ترقهتیب، کابل، ننگرهار، جوزجان و بادغیس ولایتلریده سوو تأمیناتی تیزیملرینی قیته تیکلب و اونینگ نتیجهسیده اوشبو ولایتلرده ۲۶ مینگدن آرتیق کیشی سوو بیلن تأمینلنگنینی معلوم قیلدی.
یونیسف گه کوره، سوو تأمیناتی تیزیملرینی بیرلشگن ملتلر تشکیلاتینینگ انسان سیورلیک یاردملرینی اویغونلشتیریش اداره (اوچا) یاردمی بیلن قیته تیکلهگن.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی، هیچ بیر باله یا کی عایله ایچیملیک سوودن محروم قالمسلیگیگه تأکیدلهگن.
افغانستانده سونگی ییللردهگی اقلیم اوزگریشلری ایکینچیلیک و چاروهچیلیک سکتورلریگه سلبی تأثیر قوییب و بو مملکت یشاوچیلرینی ایچیملیک سوودن فایدهلنیشنی چیکلهگن.
آلدینراق اروپا اتفاقی، ۲۱ میلیوندن آرتیق افغانستانلیک ایچیملیک سوودن فایدهلنه آلمسلیگینی ایتگن ایدی.
