بیرلشگن ملت‌لر تشکیلاتی نینگ خوفسیزلیک کینگشی ایرته (پنج‌شنبه، ۲۲-ثور) افغانستان حقیده بیر ییغین یولگه قویه‌دی.
بیرلشگن ملت‌لر تشکیلاتی‌ده ناروی نینگ دایمی نماینده‌سی توییتر صحیفه‌سیده یازگن که، افغانستانده انسانی حقوق و عیاللر ایرکین‌لیگی خصوصیده چیکلاو‌لر نینگ کوپه‌یگنی باعث، اوشبو ییغین نینگ یولگه قوییلیشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، بیرلشگن ملت‌لر تشکیلاتی‌ده افغانستان دایمی نماینده‌‌لیگی سرپرستی نصیر‌احمد فایق ایتگن که، اوشبو ییغین‌ده شونینگدیک «پنجشیر، کاپیسا و اندارب ولایت‌لریده حربی‌لر و هزاره جماعه‌سی نینگ هدف‌لی اولدیریش‌لر» خصوصیده بحث بولیشی ممکن.
اسلامی امارت نینگ عیاللر گه وضع قیلگن چیکلاو‌لری دوامی‌ده، جاری هفته نینگ شنبه کونی امر بالمعروف و نهی عن‌المنکر وزیرلیگی تامانیدن عیاللر گه حجاب حقیده بیر بویروغ صادر بولگنی بیر حالده، اوشبو ییغین یولگه قوییله‌دی. مذکور بویروغ‌ده «چادری و قاره حجاب» حجاب نمونه‌لریدن دیلگن و عیاللر نینگ نیازلری بولمه‌گن صورتده، اویلریدن چیقمه‌یشلری خصوصیده تاکید بولگن.
بیزلرنینگ فیسبوک صحیفه‌میزگه باش اورینگ!
اسلامی امارت نینگ مذکور بویروغی ایچکی و خلق‌ارا عکس‌العمل‌لر بیلن روپه‌رو بولگن. آمریکا تشقی ایشلر وزیرلیگی سوزلاوچیسی ند پرایس نینگ ایتیشیچه، اسلامی امارت عیاللر و قیزلر خصوصیده‌گی سونگی بویروغی نی اوزگرتیرمه‌گن صورتده، آمریکا دولتی اولر گه باسیم‌لری نی کوپه‌یتیریشی ممکن.
عکس‌العمل‌لر دوامی‌ده، امر بالمعروف و نهی عن‌المنکر وزیرلیگی سوزلاوچیسی عاکف مهاجر، بیر ویدیو ترقه‌تیب ایتگن که، برقع کییش اجباری ایمس و قیشلاغ‌لرده قوللنه‌دیگن عربی حجاب و چادر هم حجاب سنه‌لدی.
