امریکا قوشمه ایالتلری جمهور باشلیغی دونالد ترامپ، واشنگتن و تهران اورتهسیده صلح مذاکرهلری ینگی باسقیچی، بوگون (۱۲ اسد/۳ آگست، دوشنبه) توشدن کیین باشلنیشینی بیلدیردی.
ترامپ، نیوجرسی ایالتیدن واشنگتن گه قیتیش پیتیده، ژورنالیستلر گه ایتیشیچه، صلح مذاکرهلری دوشنبه کونی اوتکزیلهدی، بیراق قییرده و اشتراکچیلری حقیده معلومات بیرمهگن.
امریکا جمهور باشلیغی شونینگدیک، ایران بیلن کیلیشوگه ایریشیش اوچون مهلت بیلگیلشدن ینه باش تارتیب شوندهی دیگن: «مین کیلیشو گه ایریشیلیشینی افضل کورهمن می؟ هه. مین آدملرنینگ اولدیریلیشینی ایستمهیمن، چونکی بونینگ عاقبتیده کوپلب انسانلر هلاک بولهدی؛ بیز بوندهی بولیشینی خواهلمهیمیز.»
ترامپ بیر نیچه بار ایران گه قرشی اوروشنی کوچهیتیریش بیلن تهدید قیلگن، بیراق هر سفر مذاکرهلرنی دوام ایتتیریش و کیلیشو گه ایریشیش اوچون کوپراق وقت بیرگن.
او بوندن ایلگری هم، ایران و منطقهدهگی ایریم دولتلر التماسیگه بناً ایران گه قرشی ریجهلشتیریلگن کینگ کولملی هجوملرنی توختهتگنینی ایتگن ایدی.
