اروپا اتفاقی نینگ افغانستان ایشلری بوییچه خاص وکیلی توماس نیکلسون اعترضچی عیاللر اسلامی امارت تامانیدن قولگه آلینگن‌لیگی توغریسده عکس‌العمل بیلدیریب ایتیشیچه، یشاوچیلر اوزباشیمچه قولگه آلینیب، اولرنینگ یوقالیشی اسلامی امارت نینگ بو حکومت افغانستان یشاوچیلریگه تیگیشلی دیر دیگن ادعاسی نی کوچ‌سیز قیله‌دی.
اونینگ توییترصحیفه‌سیده یازیشیچه، اهالی قولگه آلینیشی و یوقالیشی اسلامی امارت نینگ بشر حقوقیدن آرقه‌داش‌لیک بیلدیرش گه اساس تعهدلریگه قرشی دیر. اروپا اتفاقی نینگ افغانستان ایشلری بوییچه، خاص وکیلی اسلامی امارت‌دن اعتراضیچی عیاللرنی تیزلیکده قوییب یوباریش‌لرینی سوره‌گن.
عین‌حالده، بیرلشگن ملت‌لرتشکیلاتی نینگ باش کاتبی دیبرالاینز اسلامی امارت رئیس‌الوزراسی نینگ سیاسی اورین باسری مولوی عبدالکبیر بیلن بولگن اوچرشووده، یوقالگن اعتراضچی عیاللرنینگ تقدیری و وضعیتی حقیده خواطربیلدیرگن ایدی.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لرتشکیلاتی افغانستان بوییچه اورین باسرلیک دفتری یاده-یاناما نینگ ایتیشیچه، دیبرالاینز بیلن اوتگن کون صورت تاپگن اوچرشووده، دیبرالاینز دنیا جماعه‌سی اسلامی امارت‌دن آرقه‌داش‌لیک قیلیشی بشرحقوقی رعایت ایتیلیشی‌گه باغلیق عنوان قیلگن و اوشبو حقلر رعایت قیلینمه‌گن صورتده، اسلامی امارت‌دن آرقه‌داش‌لیک بیلدیریش کمه‌یشی گه سبب بولیشی ممکن.
بوندن آلدین، آمریکا قوشمه ایالتی نینگ افغانستان عیاللری بوییچه خاص وکیلی رینا امیری اعتراضچی عیاللر اسلامی امارت تامانیدن قولگه آلینگنی‌نی عدالت‌سیزلیک عنوان قیلیب و بو روند نینگ توخته‌تیلیشی نی سوره‌گن ایدی.
اونینگ ایتیشیچه، اسلامی امارت اهالی و دنیا جماعه‌سی‌دن مشروعیت قولگه کیلتیریش‌نی ایسته‌ی، یشاوچیلر نینگ بشری حقوقی، سوز ایرکین‌لیگی و عیاللر حقوقی گه حرمت قیلیش‌لری کیره‌ک.
بیزلرنینگ توییترده هم تعقیب قیلینگ!
شونینگ‌دیک خلق‌ارا کیچیریم تشکیلاتی هم اعتراضچی عیاللر یوقالیشی‌دن خواطر بیلدیریب و اسلامی امارت‌دن اهالی برابریده «ناقانونی» کوچ‌دن ایش آلمه‌یشلرینی سوره‌ب و بو عیاللر اولرنینگ قوللریگه بولگن صورتده، تیزلیکده قیدسیز قوییب یوبارلیشینی سوره‌گن.
شونده‌ی بیرحالده، گزارش‌لر اساسیده اوتگن نیچه هفته جریانیده اعتراضچی عیاللردن تورته‌سی قرینداشلردن قطاری بیلن اسلامی امارت کوچلری تامانیدن قولگه آلینگن و حاضرگچه قولگه آلینگن عیاللر نینگ تقدیریدن خبریوق.
اسلامی امارت مقام‌لری نینگ ایتیشلریچه، یوقالگن عیاللر نینگ تاپیش اوچون سعی و تلاش‌لر دوام ایتماقده.
