افغانستان اوچون اروپا اتفاقی نینگ مخصوص نماینده‌سی توماس نیکلسون، ینگی‌لیکده خارجی میدیالر بیلن اوتکزگن صحبتیده ایتیشیچه، افغانستانده اسلامی امارت حکومتینی مشروعیت گه تانیش و قیینچیلیکلرنی حل قیلیش یگانه یول، اوشبو مملکت فقرالری گه مراجعت قیلیش و حکومت‌ده اولرنی شامل قیلیش دیر.
جناب نیکلسون اوشبو صحبتیده، اسلامی امارت حکومتی‌ده سابق حکومت رسمی‌لری شامل ۱۵ کیشی‌لیک رویخط اوزه‌تیلیش اداعانی رد ایتگن. اونینگ ایتیشیچه، همه شمول حکومت شکللنیشی گه دایر اسلامی امارت نینگ ادعالری دنیا مملکت‌لری اوچون قبول قیلینمه‌یدی؛ چونکه قومی شمولیت‌دن تشقری، جمعیت‌نی ۵۰ فایزینی تشکیل بیرگن خاتین قیزلر، اوشبو حکومت کابینه‌سیده حضورلری یوق دیر.
بیزلرنینگ فیسبوک صحیفه‌میزگه باش اورینگ!
افغانستان اوچون اروپا اتفاقی مخصوص نماینده‌سی گه کوره، اسلامی امارت لویه‌جرگه سیلاوی اساسیده همه شمول حکومت‌نی تشکیل بیریش بیلن مشروعیت تاپیش‌لری کیره‌ک. توماس نیکلسون نینگ تأکیدلشیچه، همه شمول حکومت تشکیلی خارجی‌لر نینگ هدفی اساسیده ایمس؛ بلکه افغانستان خلقی نینگ خواهش-اراده‌سی دیر.
اونینگ ایتیشیچه: «بیز دوحه و اُسلوده همه شمول حکومت تشکیلی باره‌سیده اسلامی امارت رسمی‌لری بیلن بحث ایتدیک و بو مسئله‌نی جدی روشده اولر بیلن شریک قیلگن میز.»
بوندن آلدین افغانستان اسلامی امارت رسمی‌لری، دنیاهمجمعیت ۸کیشی‌لیک بیر رویخط‌نی حکومت‌ده شامل قیلیش مقصدیده اولرگه بیرگنینی ایتگن ایدیلر. نیچه کون آلدین، کانلر و پترولیم وزیرلیگی نینگ سرپرستی شهاب‌الدین دلاور، بیر ییغینده، اولر گه اوزه‌تیلگن آخرگی رویخط ۱۵ کیشی‌لیک ایکنینی بیلدیردی.
عین‌حالده، سابق دولت ملی کینگش سابق اعضالریدن بولمیش میربت‌خان منگل نینگ ایتیشیچه، اونینگ معلوماتی اساسیده، چیت ایل‌لیک‌لردن قطاری اسلامی امارت رسمی‌لری بیلن دوحه مذاکره‌لری جریانیده، حکومت گه شیریک قیلیش اوچون ۱۵ کیشی‌لیک بیر رویخط‌نی اولر بیلن شریک قیلگن ایدیلر.
بیزلرنینگ توییترده هم تعقیب قیلینگ!
اونینگ ایتیشیچه، دنیا جماعه‌چیلیگی اسلامی امارت کابینه‌سیده عیاللر شامل بولیشینی ضروری بیله‌دی؛ لیکن اسلامی امارت رسمی‌لری، کابینه ییغین‌لریده خاتین قیزلر بولیشینی ایستمه‌یدیلر.
دنیا جماعه‌چیلیگی هردایم، اسلامی امارت حکومتی‌ده برچه قوم‌لر و سیاستچیلر شامل بولیشینی تأکیدلب کیلگن؛ بیراق اسلامی امارت حاضرگی تیزیمنی همه شمول عنوان قیله‌دی.
