کابل پولیس قومندانلیگی بیر اعلامیه‌ترقه‌تیب، کابل بیلیم یورتی اوستیگه اویوشتیریلگن هجوم باعث، کابل شهری نینگ اوچینچی خوفسیزلیک حوزه‌سی نینگ ۱۳ مسوولی باشقارهلاوچیلیککه تانیشتیریلگنی نی بیلدیرگن.
کابل پولیس قومندانلیگی بوگون ( چهارشنبه، ۱۳- عقرب) توشدن آلدین فیسبوک صحیفه‌سیدن بیر اعلامیه ترقه‌تیب، کابل شهری اوچینچی پولیس حوزه‌سی نینگ مسووللری امنیتی برنامه‌لرنی عملگه آشیریش خصوصده بی‌فرق یاندشگنی باعث، قولگه آلینیب و باش‌قاره‌لاوچیلککه تانیشتیریلگنیدن خبر بیرگن.
مملکت ایچکی ایشلر وزیرلیگی نینگ سوزلاوچیسی طارق‌آرین توتیر صحیفه‌سیده یازیشیچه، “کابل بیلیم یورتی تینچ‌لیگی نی تامین‌لشده مسول بولگن کابل شهری اوچینچی پولیس حوزه‌سی نینگ ۱۳ مسوولی قولگه آلینیب و باشقارهلاوچیلیککه تانیشتیریلگن”.
کابل پولیس قومندانلیگی و ایچکی ایشلر وزیرلیگی، قولگه آلینیب و باشقارهلاوچیلیککه تانیشتیریلگن ۱۳ پولیس حقیده معلومات بیرمه‌یدیلر، لیکن ترقه‌تیلگن گزارشلرگه کوره قولگه آلینگن ۱۳ پولیس ایچیده اوچنینچی پولیس حوزه‌سی نینگ آمری، جنایی مدیری و کابل بیلیم یورتی‌نی قوروچی قطعه قومندانی بولگنی ایتیلگن.
دوشنبه کونی (۱۲- عقرب) توشدن آلدین ۳ قوراللی عصیانچی کابل بیلیم یورتی ایچیگه کیریب، حقوق فاکولته‌سی نینگ طلبه‌لرینی اوققه توتگن و نتیجه ده ۲۲ طلبه اولبیب و ۴۰ طلبه یره‌لنگن.
گرچند اوشبو هجوم مسوولیتی نی داعش گروهی اوز ضمه‌سیگه آلگن، لیکن جمهور رئیس بیرینچی اورین باسری امرالله صالح هجوم‌نی طالبان گروهی گه نسبت بیرگن. اما طالبان اوشبو هجوم قوللری بولگنی نی رد ایتگنلر.
