سیاسی ایش بیلرمان‌لردن قطاری نینگ ایتیشلریچه، افغانستان اسلامی امارت رسمیت گه تانیلیشی اوچون، دنیا جماعه‌چیلیگی نینگ بعضی شرط‌لرینی عملی قیلیش گه باشله‌گن و حکومت‌لری رسمیت گه تانیلیشی کوتیله‌دی.
سیاسی ایش بیلرمان محب‌الله شریف نینگ ایتیشیچه، دنیا جماعه‌چیلیگی نینگ افغانستان اسلامی امارت‌نی رسمیت گه تانیش اوچون شرط لری‌دن بیری همه‌شمول حکومت شکللنیشی دیر. او نینگ اورغولشیچه، دنیا همجمعیت اسلامی امارت حکومتیده سابق دولت نینگ «فاسد و بدنام» قطار رسمی‌لری شامل بولیشنی ایستر ایدی، لیکن تیکشیریش‌لر و استخباراتی اطلاعات‌دن کیین، بو طلب‌دن واز کیچکنی کوریله‌دی.
بیزلرنینگ فیسبوک صحیفه‌میزگه باش اورینگ!
محب‌الله شریف گه کوره، دنیا همجمعیت نماینده‌لری یاشیرینچ روشده اسلامی امارت رسمی‌لری گه ملالر گه علاوه باشقه قوم کدرلرینی شامل قیلیشینی ایتگن. او نینگ تاکیدلشیچه، خاتین قیزلر نینگ حقوقی باره سیده آلغه باریلیب و اسلامی امارت رسمیت گه تانیلیشی کوتیله‌دی.
او نینگ ایتیشیچه: «بوندن بویان مسئولیت دنیا جماعه‌چیلیگی نینگ زمه‌سیگه دیر. دنیا همجمعیت، اقتصادی بحران و قاچقینچیلر مسئله‌سی انسانی انقراض و اقتصاد قوللشی گه سبب بولیشیدن خواطرده. شونی اوچون اسلامی امارت برابری‌ده یومشاق لیک کورسه‌تیش اوچون تلاش قیله‌دی، بعضی موضوع‌لرنی اسلامی امارت قبول قیلیشی اوچون اولر گه باسیم کیلتیره‌دی، دنیا جماعه‌چیلیگی قیینچلیککه دوچ بولگن کونیده، رسمیت گه تانیش‌دن باشقه یولی قالمسلیگی ممکن.»
باشقه سیاسی ایش بیلرمان جاوید مومند نینگ ایتیشیچه، دنیا جماعه‌چیلیگی نینگ اصلی خواستی قبول بولماقده. او نینگ کوپیتیریشیچه، شرط‌لر آلدین-کیین عملی بولماقده و خلق‌ارا بیرقطار ییغین‌لرده اسلامی امارت چقیریلیشی، اولر نینگ رسمیت گه تانیش اوچون سعی-حرکت‌لر بیلگیسی دیر.
جاویند مومند گه کوره: «بیرلشگن ملت‌لر تشکیلاتی و خلق‌ارا نهادلر، اسلامی امارت رسمیت گه تانیلیشی اوچون بعضی شرط‌لرنی عملی قیلگن دیب دنیا جماعه‌چیلیگینی قانیقتیریش لری کیره‌ک. بو بوندن بویان اسلامی امارت ایسته‌گن نرسه‌سینی عملگه آشیریب و دنیا جماعه‌چیلیگی جیم توریش معناسیده ایمس، او زمانده بیرلشگن ملت‌لر تشکیلاتی نظارت قیلیشی ممکن.»
اسلامی امارت تشقی ایشلر وزیرلیگی نینگ استراتیژیک مناسبت‌لر باشلیغی ولی‌الله شاهین گه کوره، سیلاو کبی قطار موضوع‌لرنی دنیا جماعه‌چیلیگی مطرح قیلگن، افغانستان نینگ وضعیتی و شرایطی گه ماس ایمس و اسلامی امارت کیمسه نینگ بویورتمه‌لرینی قبول قیلمه‌دی. او نینگ ایتیشیچه، خاتین قیزلر نینگ تحصیل و ایشی کبی باشقه قطار شرط‌لرنی اسلامی امارت مسئولیتی بیله‌دی، اکثریسینی عملی قیلگن.
بیزلرنینگ توییترده هم تعقیب قیلینگ!
جناب شاهین، اسلامی امارت بیلن دنیا همکارلیگینی خوش قرشی‌لب، دنیا اسلامی امارت‌نی رسمیت گه تانیشی‌گه امیدوارلیک بیلدیریب ایتیشیچه: «اسلامی امارت تیزلیک بیلن رسمیت گه تانیلیشی گه امیدوار میز و اسلامی امارت تشقی ایشلر وزیرلیگی شونی اوچون بیر قطار مملکت‌لر گه سفر قیلگن که قانیقرلی دیر. دنیا همجمعیت نینگ اسلامی امارت اوچون قیینچیلیک ایجاد ایته‌دیگن باشقه بهانه‌سی قالگنی یوق.»
عین‌حالده، سونگی کون‌لرده اسلامی امارت رسمیت گه تانیلیشی اوچون ایچکی و تشقریده سعی-حرکت بولماقده. ایکی کون مقدم، خلق‌ارا میدیا بیلن صحبت اوتگزگن بریتانیا ارتش ستاد سابق باشلیغی، غربی مملکت‌لر افغانستان‌ده مغلوب بولگن‌لیکلرینی قبول قیلیب و افغانستان لیک‌لرنی اقتصادی تحریم‌لر و باشقه بهانه‌لر بیلن اذیت قیلمه‌ی و اسلامی امارت‌نی رسمیت گه تانیش‌لری کیره‌ک دیگن ایدی.