سیاسی ایش بیلرمانلردن بیرقطاری نینگ ایتیش‌لریچه، اسلامی امارت مسوول‌لری خلق ارا ییغین‌لریده برنامه‌سیز شکلده اشتراک قیله‌دیلر.
سیاسی ایش بیلرمانلردن بیری خپلواک زازی نینگ ایتیشیچه، اسلامی امارت مسوول‌لری باشقه مملکت‌لر رسمی‌لری و بیرلشگن ملتلر تشکیلاتی نینگ نماینده‌لری بیلن اوتکزگن ییغین‌لرده نیمه موضوعلر خصوصیده بحث قیلیش و نیمه مسله‌لرنی اولویت‌گه قرار بیریش‌نی بیلمه‌یدیلر.
سیاسی ایش بیلرمانلردن باشقه بیری سید باقر محسنی نینگ ایتیشیچه، طالبان گروهی اوتگن ییل‌لرده اوروش‌لر بیلن مشغول ایدیلر و سیاسی ایش‌لرگه نسبتن حربی مسله‌لرگه تجربه‌لری کوپ دیر.
جناب محسنی گه کوره، انه‌شوو مسله‌لر سبب، اسلامی امارت خلق ارا رابطه‌لر زمینه‌سیده جدی قیین‌چیلیک بیلن روپه‌ره بوله‌دی.
تشقی ایشلر وزیرلیگی سرپرستی امیرخان متقی رهبرلیگی گه اسلامی امارت بیر هیاتی آمریکا و اروپا نماینده‌لری بیلن قطرگه سفر قیلگن بیرحالده، اوشبو بحث‌لر مطرح ایتیله‌دی.
آمریکا تشقی ایشلر وزیرلیگی نینگ اعلام قیلیشیچه، اسلامی امارت رسمی‌لری بیلن تروریسم گه قرشی کوره‌شیش، افغانستان گه انسان دوست‌لیک یاردم‌لر دوام قیلیشی و آمریکا یشاوچی‌لری نینگ تینچ شکلده چیقاریلیشی خصوصیده بحث ایتیلگن.
بیراق، اسلامی امارت سوزلاوچیسی نینگ ایتیشیچه، دوحه کیلیشوونامه‌سیده، افغانستان نینگ توخته‌تیلگن پولی آزاد ایتیلیشی و آمریکا نینگ افغانستانده‌گی دیپلماتیک فعالیت‌لری قیته باشله‌نیشی خصوصیده بحث ایتیلگن.
