خوست ولایتی مسئوللری و سوداگرلر، غلام‌خان بندری آرقه‌لی پاکستان بیلن سوداگرلیک آلیش-بیریش کمه‌یشیدن خواطر بیلدیریب ایتیشلریچه، اوشبو یول ده فعالیتی بولگن سوداگرلردن بیر قنچهسی، سوداگرلری اوچون اوشبو یول اۉرنیده باشقه یولنی تنله‌گنلر.
خوست سوداگرلیک و سرمایه یاتقیزیش اتاق باشلیغی نواب امیرزی گه کوره، پاکستان نینگ افغان سوداگرلری برابری ده سوداگرلیک پالیسی نامعلوم‌لیگی هردایم افغان سوداگرلری گه زیان یېتکزگن؛ شونی اوچون سوداگرلر تجارت‌لری اوچون باشقه یول اېزلشگه یوز کېلتیرگن.
اونینگ کوپه‌یتیریشیچه: «غلام‌خان بندری دن آلیش-بیریش کمه‌یگن؛ اۉتمیش ییل‌لر گه نسبتن ۵۰ فایز کمه‌یگن. اۉتگن ییل‌لرده هر کونی ۵۰۰ موتر صادر قیلردیک حاضر ۵۰ موتر گه کمه‌یگن. چېکلاولری دوام تاپگن حالده، بو تجارت صفر بولیشی ممکن.»
بیزلرنینگ فیسبوک صحیفه‌میزگه باش اورینگ!
خوست ده افغان سوداگرلریدن انور تنی، غلام‌خان بندری ده تجارت و سوداگرلیک فعالیت‌لر کمه‌یشیدن خواطر بیلدیره‌دی. اونگه کوره: «غلام‌خان بندری دن سوداگرلیک آلیش-بیش کمه‌یگن. هر مسئله سیاست گه نسبت بیریله‌دی، بیر مسئله اوچون معما تاپیلگن حالده برچه یول‌لرنی توسه‌دیلر.»
اوشبو سوداگر گه کوره، سوداگرلیک توارلر ترانزیتی اوچون پاکستان نینگ بهانه‌لری سبب نیچه مراتبه ضرر کورگن. افغانستان و پاکستان سوداگرلیک و صناعت قۉشمه اتاق مسئوللری، غلام‌خان بندری دن آلیش-بیریش کمه‌یشینی تصدیقلب ایتیشلریچه، سوداگرلردن بیرقنچه‌سی تجارت‌لری اوچون ایران سوداگرلیک یونه‌لیش‌لریدن قوللنماقده‌لر.
بیزلرنینگ «ایکس» ترماغی ده هم تعقیب قیلینگ!
افغانستان و پاکستان سوداگرلیک و صناعت قۉشمه اتاقی نینگ اجرائیه باشلیغی نقیب‌الله صافی نینگ سلام‌وطندار گه ایتیشیچه: «پاکستان دولتی هر مرته بهانه قیلگن بولسه، سوداگرلر بندر عباس کبی باشقه یول نی تنله‌گنلر. باشقه مسئله آلدین اسپین‌بولدک بندری یاپیلگن اېدی؛ شونی اوچون سوداگرلر غلام‌خان بندری یولی آرقه‌لی تجارت قیلر اېدیلر؛ حاضر ۱۵ کوندن بېری اسپین‌بولدک بندری دن موترلر نینگ باریب-کېلیشی اولگی حالتیگه قیتگن. شونی اوچون غلام‌خان بندری دن تجارت کمه‌یگن.»
صناعت و سوداگرلیک وزیرلیگی افغانستان و پاکستان سوداگرلیک هیئت‌لری نینگ اۉچره‌شووی دن سۉنگ، افغان سوداگرلری اوچون بانکی کفالت جبری بولیش گه توسیق بولیش، «اپتا» بیتیمی کبی شرطنامه‌لر کېله‌سی ایکّی آی‌گچه عملی بولیشیدن ایشانچ بیره‌دی؛ بیراق سوداگرلر نینگ ایتیشلریچه، پاکستان نینگ بیتیم‌لرنی عملی قیلیشی گه ایشانمه‌یدیلر.
