ایران ده جنوبی خراسان باجخانه باش مدیری نینگ اوشبو یونه‌لیش آرقه‌لی افغانستان اوچون سوداگرلیک توارلر ترانزیتی اوچ برابر بولیشی گه دایر بیاناتیدن سۉنگ، افغانستان سوداگرلیک و سرمایه یاتقیزیش اتاق مسئوللری اوشبو خبرنی تصدیقلب ایتیشلریچه، قویاش ۱۴۰۲ ییل‌دن حاضرگه قدر افغانستان نینگ سوداگرلیک توارلریدن یریمی ایران چهابهار و بندر عباس ترانزیتی یوللری آرقه‌لی انتقال بیریلگن.
اوشبو اتاق مدیره هیئت اعضاسی خان‌جان الکوزی نینگ سلام‌وطندار گه ایتیشیچه، پاکستان ترانزیتی یوللریدن افغانستان نینگ سوداگرلیک توارلرینی انتقال بیریش ۷۰ فایز گچه کمه‌یگن و عکسینچه ایران ترانزیتی اوشبو یونه‌لیشلری آرقه‌لی توارلرنی انتقال بیریش ۵۰ فایز دن آشگن.
اونگه کوره: «ایران بیلن ترانزیت وایچکی آلیش-بیریشی‌میز آشگن؛ بو یول دن ترانزیت آشیش سببی کراچی یوللریده سوداگرلر اوچون اېریم قیینچلیک‌لر تاپیلگنی دیر.»
بیزلرنینگ فیسبوک صحیفه‌میزگه باش اورینگ!
قویاش اۉتگن ییل‌ده افغانستان ایران دن ییتّی میلیارد دالر دن آرتیق توار وارد قیلگندی و اۉرته آسیا ده افغانستان سوداگرلیک توار وارد قیلگن ایکّینچی مملکت سنله‌دی و افغانستان اېسه ۱۵ فایز توارلرینی پاکستان کراچی بندری آرقه‌لی وارد قیلگن.
عین‌حالده، صناعت و سوداگرلیک وزیرلیگی سۉزلاوچیسی آخوندزاده عبدالسلام جواد، ایران یوللری آرقه‌لی افغانستان نینگ سوداگرلیک توارلری انتقال بیریلیش مقداری کوپه‌یش سببینی، ایران نینگ افغان سوداگرلری گه امکانیت یره‌تیشی و همکارلیک قیلیشی عنوان قیله‌دی.
اونینگ کوپه‌یتیریشیچه: «چابهار افغانستان اوچون تجارتی و ترانزیتی مهم یول دیر و بیز بو یول ده‌گی امکانیت و قولی‌لیک‌لردن یېترلیچه قوللنماقده‌میز.»
افغانستان قویاش ۱۴۰۲ ییل دن بېری ایران بیلن ایکّی میلیارد دالرلیک آلیش-بیریش قیلگنینی معلوم قیله‌دی، صناعت و سوداگرلیک وزیرلیگی سۉزلاوچیسی.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، سوداگرلردن بیرقطاری ایران ترانزیتی یوللرینی توارلرینی انتقال بیریش اوچون قولی عنوان قیلسه‌لرده، لېکن بعضی موجود قیینچیلیکلر حل اېتیلیشی اوستیگه تاکید اېته‌دیلر.
ایران جنوبی خراسان باجخانه باش مدیری گه کوره، قویاش اۉتگن ییل‌ده ۱۹ مینگ ۹۳۶ یوک تاشووچی موتر، ماهیرود باجخانه‌سی آرقه‌لی افغانستان گه سوداگرلیک توارلر انتقال بیرگن.
اونینگ کوپه‌یتیریشیچه، تورکیه، بیرلشگن عرب امیرلیگی، روسیه، اندونیزیا و ویتنام دن قوللـه‌نیلگن و ییگولیک ماده‌لر دن عبارت اوشبو توارلر، ماهیرود باجخانه‌سی آرقه‌لی افغانستان گه انتقال بیریلگن.
