تورخم بندری افغانستان سوداگرلیک توارلر یوزی گه یاپیلیشیدن اوچ کون اوتگچ، افغانستان و پاکستان سوداگرلیک قوشمه اتاق مسئوللری نینگ ایتیشلریچه، بو قیینچیلیک حلی اوچون قوشمه میکانیزم شکللنیب و کوپ زمان کیره‌ک.
افغانستان و پاکستان سوداگرلیک قوشمه اتاق مسئولی نقیب‌الله صافی نینگ ایتیشیچه، سونگی اوچ کون ده تورخم بندری ده یوک تاشووچی موترلر نینگ توخته‌تیلیشی ییگولیک ماده‌لر بوزیلیشی گه سبب بولگن. «ویزه و پاسپورت بولیشی گه دایر پاکستان نینگ بو حرکتی بیر تامانلمه دیر، بولر ترانسپورت حلی اوچون بیر ییرده اولتیریب و میکانیزم قوریش‌لری کیره‌ک، ویزه و پاسپورت آلیش اورنیده بیر کارت بیریلیشینی ایسته‌یمیز.»
صافی جنابلری گه کوره، حاضر افغانستان و پاکستان آره‌سیده‌گی بیش بندر دن یالغیز غلام خان بندری ترانزیتی توارلرنی انتقال بیریش یوزی گه آچیق دیر.
بیزلرنینگ فیسبوک صحیفه‌میزگه باش اورینگ!
شو بیلن بیرگه، افغانستان و پاکستان صناعت و سوداگرلیک قوشمه اتاقی نینگ هماهنگ قیلووچیسی ضیاالحق سرحدی گه کوره، پاکستان دولتی نه فقط افغانستان یوک تاشووچی موتر هیداوچیلر نینگ ویزه‌سی و پاسپورتی بولیش نی جبری قیلگن بلکه، باشقه مملکت‌لر نینگ یوک تاشووچی موتر هیداوچیلری هم بو قانون نی رعایت قیلیش گه مکلف دیر.
پاکستان‌لیک اوشبو رسمی گه کوره، اولر پاکستان دولتی دن بو قیینچیلیک حلی اوچون افغانستان بیلن قوشمه میکانیزم شکللنیشنی ایسته‌یدیلر. «حاضرگی کونده پاکستان ده ایکی مینگ دن آرتیق یوک تاشووچی موتر توخته‌تیلگن، بولر افغانستان‌لیک سوداگرلری گه قوشیمچه آسیا سوداگرلری گه هم تیگیشلی دیر کوپراق افغانستان‌لیک سوداگرلر گه عاید؛ بیراق حکومت دن توخته‌تیلگن موترلر گه اجازه بیریشنی ایسته‌یمیز.»
عین‌حالده، تورخم بندری ده افغان سوداگرلریدن عبدالله، مذکور بندر یاپیق قالیشیدن خواطر بیلدیریب ایتیشیچه، بو وضعیت اولر نینگ زیانی گه سبب بولگن. «پاکستان دن تورخم ده‌گی قیینچیلیک حلی اوچون بو بندر نی آچیشنی ایسته‌یمیز، هفته ده بیر مراتبه یا که ایکی مراتبه سوداگرلیک توار انتقال بیریب بیر مینگ و ایکی مینگ سود قیله‌میز، بو بندر یاپیق قالیشی زیانیمیز گه دیر.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، افغانستان سوداگرلیک و سرمایه یاتقیزیش اتاق بیرینچی اورین باسری محمدیونس مومند گه کوره، تورخم بندری دن یوک تاشووچی موترلر نینگ باریب کیلیشی اوچون بیر میکانیزم شکللنیش مقصدیده تلاش قیلماقده‌لر.
او نینگ کوپه‌یتیریشیچه: «بو موضوع اقتصادی قیینچیلیککه سبب بولیب و ضرر ییتکیزه‌دی، او تاماندن آلیب کیلینه‌دیگن میوه‌لر بوزیله‌دی، شرقی ولایت‌لر دن آلیب باریله‌دیگن تازه سبزه‌وات‌لر هم بوزیله‌دی، قیینچیلیک‌لر حلی اوچون میکانیزم شکللنتیریش مقصدیده سعی‌وحرکت قیلماقده‌میز.»
ایتیش کیره‌ک، تورخم بندری افغانستان ترانزیت و سوداگرلیک موترلری گه یاپیلیشیدن اوچ کون اوتگچ، صناعت و سوداگرلیک وزیرلیگی مسئوللری نینگ ایتیشلریچه، بو چیگره آچیلیشی اوچون آلیب باریله‌یاتگن مذاکره‌لر حاضرگچه نتیجه بیرمه‌گن.
