بادغیس ده یوزبیرگن زلزله ده، ۲۲ کیشی هلاک و ۴ کیشی ایسه یره‌لنگن. بادغیس معلومات و مدنیت ریاست مسئوللری بیر خبرنامه ترقه‌تیب ایتیش‌لریچه، شونده‌ی بیر حالده، اوتگن کون اوشبو ولایت مرکزی و تومن‌لریده جدی بیر زلزله باعث، یشش اویلردن قطاری بوزیلیب و باله‌لر و عیاللر هلاک بولگن ایدی.
بادغیس معلومات و مدنیت ریاست رئیسی بازمحمد سروری، اوشبو ولایت قادس ولسوالی صالح‌محمد پردل‌دن نقل قیلیب ایتیشیچه، اوتگن کون یوزبیرگن ایکی زلزله‌ده، باله‌لر و عیاللر شامل ۲۲ کیشی جان بیریب و شونینگدیک باشقه ۴ کیشی ایسه یره‌لنگن. سروری گه کوره، مذکور زلزله‌ده محل یشاوچیلری گه کوپینچه مالی زیان هم یتیشگن.
بیزلرنینگ فیسبوک صحیفه‌میزگه باش اورینگ!
بادغیس معلومات ومدنیت مسئوللری نینگ بیاناتی اساسیده، اوشبو تلفات و ضررلر اوشبو ولایت قادس و مُقر تومنلری نینگ «بادروک»، «خاک‌پُلک»، «بند سفید»، «سلطان‌ها»، «زره غوندی»، «گل‌چین» و «جکنه» منطقه‌لریده یوزبیرگن.
اوتگن کون قادس ولسوالی صالح‌محمد‌پردل نینگ سلام‌وطندار بیلن اوتکزگن صحبتیده، اوشبو زلزله ده ۱۲ کیشی هلاک و باشقه نیچه کیشی یره‌لنگن دیگن ایدی. شونینگدیک او، مذکور زلزله عاقبتیده یشش اویلردن قطاری نینگ بوزیلگنی نی هم ایتگن ایدی.
مذکور زلزله مرکزی، بادغیس ولایتی نینگ قادس تومنی گزارش بیریلگن. آمریکا زلزله تعین‌لنتیرووچی مرکزی نینگ گزارشی اساسیده، مذکور زلزله شدتی ۴.۹ درجه ریشتر ایکن.
بادغیس معلومات و مدنیت ریاست مسئوللری نینگ اورغولشیچه، انسانی تلفات نینگ کوپه‌یش احتمالی بار؛ چونکه ارایه قیلینگن آمار نهایی ایمس.
