جمهورلیک ریاست سوزلاوچیسی صدیق صدیقی کابل ده خبری بیر ییغین اوتکزیب ایتیشیچه، دوحه شهریده دوام ایته‌دیگن تینچلیک سوزلشوولری نینگ جنجل‌لری حاضرگچه حل بولمه‌گن.
صدیقی گه کوره، افغانستان‌لیکلرارا تینچلیک مذاکره‌سیده‌گی جنجل‌لرنینگ عاملی طالبان گروهی دیر.
جناب صدیقی نینگ کوپه‌یتشیریچه، حکومت و افغانستان دولتی نینگ هیأتی تینچلیک مذاکره‌سی نینگ یخشی شکلده آلغه باریشی اوچون سعی و حرکت قیله‌دی، لیکن طالبان گروهی نینگ ایستک‌لری ایسه بی‌جا و ملی منفت گه قرشی دیر. اونینگ ایتیشیچه، حکومت طالبان گروهی نینگ ایسته‌ک‌لرینی قبول قیلمس‌لیگی ممکن.
جمهورلیک ریاستی نینگ سوزلاوچیسی طالبان گروهیدن تنقید قیلیب ایتیشیچه، گرچند افغانستان دولتی یخشی نیت کورسه‌تیش اوچون ۵ مینگ طالبان محبوسی نی قوییب یوباردی، لیکن اوشبو گروه مذکور محبوسلر قوییب یوباریلیشی بدلی ده وضعیت یخشی‌لنیشی اوچون هیچ بیر ایش قیلمه‌گن.
افغانستان‌لیکلر ارا تینچلیک سوزلشوولری کمیده ایکی یریم آلدین قطر پایتختی دوحه شهریده باشلندی، بیراق ایکی تامان هیأت‌لری مذکور سوزلشوولرنینگ طرزالعملی اوستیگه حاضرگچه کیلیشمه‌گن.
