نورستان ولایتی دواب، مندول و نورگرام تومنلرینینگ یشاوچیلریدن بیرقطاری سلاموطندار بیلن اوتکزگن صحبتلریده، مرکزی نورستان اینیقسه بو ولایت مرکزی پارون شهرینی باشقه تومنلر بیلن باغلهیدیگن سرک بوزوقلیگی اوچون، ایریم قیینچیلیکلر بیلن دوچ بولگنلرینی اېتهدیلر.
اولر گه کوره، غربی نورستان اوچ تومنینینگ پارون شهری بیلن باغلهیدیگن سرکنینگ ۴۷ کیلومتر اوزونلیگی بولیب و جمهوریت توزومیده خامه و دستلبکی شکلده توزهلگن و حاضر کېنگهیتیریلیب و اسفالت بولیشی کېرهک.
بیزلرنینگ فیسبوک صحیفهمیزگه باش اورینگ!
غربی نورستان تومنلری یشاوچیلرینینگ ایتیشلریچه، بو تومن یشاوچیلری نورستان مرکزی گه باریش پیتیده کوپ قیینچیلیک بیلن روپهره بولهدیلر.
نورستان ولایتی مندول تومنی یشاوچیسی احمد گه کوره: «بیز کوپینچه قیینچیلیک بیلن روپهرهمیز، مرکز و بو تومن آرهسیدهگی یول جوده هم بوزوق دیر.»
شونینگدیک، نورستان ولایتی دواب تومنی یشاوچیسی رحمتشاهنینگ ایتیشیچه: «در حقیقت بو بیر سرک اېمس یالغیز بیر یول دیر و باشقه یوللر کبی ترانسپورت واسطهلری قتنهی آلمهیدی، یشاوچیلر تینچ و خاطر جمعلیک بیلن باریب-کېلیش اوچون بو یول اساسی شکلده توزهلیش گه امید بیلدیرهمن.»
بیزلرنینگ «ایکس» ترماغی ده هم تعقیب قیلینگ!
نورستان نورگرام تومنی یشاوچیسی امیرمحمد، غربی و مرکزی نورستان تومنلری اورتهسیدهگی قتناو یول اساسی شکلده قوریلیشینی سورهیدی.
اونینگ کوپهیتیریشیچه: «مرکز گه ایش تاپیلسه، بیرینچیدن لغمان و ننگرهار باریب و کېین اېسه کنر و نورستان گه بارهمیز؛ باریب-کېلیش اوچون بیش مینگ افغانی مصرف بولهدی.»
عینحالده، نورستان محلی مسئوللری غربی و مرکزی نورستان تومنلری اورتهسیدهگی سرک کېنگهیتریلیب و اساسی شکلده قوریلیشی اوچون، بیرقطار یاردم بیرووچی موسسهلر بیلن صحبت قیلگنلر.
نورستان ولایتی قیشلاقلرنی قوریش و رواجلنتیریش اداره باشلیغی احسانالله احمد گه کوره: «کېلهسی ییلده بو سرکنینگ قالگن ایشلرینی توگهتیش اوچون ریجهمیز بار؛ بو سرکنینگ اسفالت قیلیش ایشینی باشلش اوچون سعی-حرکت قیلماقدهمیز.»
نورستان، افغانستاننینگ اوزاق ولایتلریدن بیری دیر، پاکستان بیلن چېگرهداش بولیب و کوپینچه یوللری بوزوق و باریب-کېلیش اوچون قیین دیر.
