اسلام امیرلیگی، نورستان ده سوو تاشقینلر قربانلری عایلهلری بیلن همدردلیک بیلدیریب، سوداگرلر و سرمایه یاتقیزووچیلردن سوو تاشقینلرده جبرلنگنلرگه یاردم کورسهتیلیشینی سورهگن.
اسلام امیرلیگی سوزلاوچیسی اورینباسری حمدالله فطرتنینگ بوگون (۱-اسد، پنجشنبه)، اکس صحیفهسیده یازیشیچه، نورستان مرکزی پارون شهریده یوز بیرگن سوو تاشقینلر، یشاوچیلرگه تلفات و آغیر مالی زیانلرنی ییتیشتیرگن.
اسلام امیرلیگی سوزلاوچیسی اورینباسریگه کوره، پارون ده یوز بیرگن سوو تاشقینلرده بو شهر بلدیهسی شامل ۲۴ کیشی اولیب و ۸۵ کیشی یرهلنگن.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، اوتگن کون افغانستان شرقیده سوو تاشقینلردن جبرلنگنلرنینگ باشپنه، آزیق-آوقت محصوللری و طبی خذمتلرگه نیازلری بارلیگینی معلوم قیلگن.
