آتیش کېسین برقرار اېتیلیشی اوچون دیپلماتیک برچه سعی-حرکتلر بیلن، حزب‌الله لبنان اسرائیل اردوسی‌نینگ بیروت‌ده اویوشتیرگن هوا هجومی عاقبتیده کوپ کیشیلر هلاک بولیشی گه جواب، ۳۰۰ دن آرتیق راکته بیلن اسرائیل گه هجوم قیلگن.
خلق‌ارا یېتکرمه‌لرنینگ معلوماتی اساسیده، حزب‌الله لبنان ۴-قوس، یک‌شنبه کونی ۳۰۰ دن آرتیق راکته بیلن اسرائیل گه هجوم اویوشتیرگن و بو راکته‌لردن بیرقطاری اسرائیل پایتختی بیروت‌ده توشگن. بو هجوملر عاقبتیده تل‌آویو یقینیده‌گی حدودلرده چمه‌سی ییتّی کیشی یره‌لنگن.
بیزلرنینگ فیسبوک صحیفه‌میزگه باش اورینگ!
اسرائیل اوشبو هفته شنبه کونی لبنان پایتختی بیروت نی نشانگه آلدی، لبنان ساغلیق‌نی سقلش وزیرلیگی‌نینگ معلوماتی اساسیده، بو هجومده چمه‌سی ۲۹ کیشی قربان بولیب و باشقه ۶۷ کیشی یره‌لنگن. بیراق اسرائیل اردوسی، حزب‌الله‌نینگ حربی مرکزلری نشانگه آلینگنینی ادعا قیلگن.
لبنان ساغلیق‌نی سقلش وزیرلیگی‌نینگ معلوماتی اساسیده، اسرائیل اردوسی‌نینگ هجوملریده حاضرگه قدر لبنان‌ده اوچ مینگ ۷۰۰ دن کوپراق کیشی قربان بولگن و اسرائیل‌ده اوروش باشلنگنیدن بیری قریب ۹۰ عسکر و چمه‌سی ۵۰ تینچ اهالی هلاک بولگن.
بیزلرنینگ «ایکس» ترماغی ده هم تعقیب قیلینگ!
حزب‌الله و اسرائیل اۉرته‌سیده اوروش دوام اېتماقده اېکن، لبنان‌ده قریب ۱.۲ میلیون کیشی و اسرائیل‌نینگ شمالی حدودلریدن تخمیناً ۶۰ مینگ کیشی آواره بولگنی اېتیله‌دی.
