هر کونی غزنی شهریده جایلشگن کییم ساتیلهدیگن دکانلر کوچهسیدهگی پیاده یولده کیچیک گلمچهسینی یازیب، مشترلرینینگ بویورتمهلرینی رنگبه-رنگ قلملر بیلن قاغاز یوزیگه چیزهدی.
عمریدن کوپینچه ییللرینی اولکهدن اوزاقده اوتکزگن ۶۰ یاشر محمد حنیفنینگ ایتیشیچه، اولکهسیده و اولکهداشلری یانیده ایشلش، اونگه تینچلیک بغیشلهیدی. بیر یریم ییلدن بیری خطاطلیککه یوز کیلتیرگن محمد حنیفنینگ سلاموطندار گه ایتیشیچه: «لا اله الا الله محمد رسولالله کلمهسینی یازگنمین، آت یازگنمین، ماشاءالله و قرآنکریم آیتلرینی یازگنمین. باشده بیر کلمهنی بیر رقم یازه آلهر ایدیم، حاضر ۲۶ رقم یازه آلهمن. بیراز قیین دیر و کوپ وقت آلهدی. ایرتنگ ۷ یریمدن کیچهلر ۱۰ یا-ده ۱۰ یریملرگچه یازهمن. ایشیمگه کوپ قیزیقهمن.»
مذکور کیکسه ایرککنینگ ایتیشیچه، بویورتمه بیرهدیگن کیشیلر آتینی تورلی طرزلر و رنگلر بیلن قاغاز یوزیگه یازهدی. اونگه کوره، بو هنرنی اوز باشیمچهلیک شکلده اورگنگن و بو ایشیدن مقصد، اهالی یانیده بولیش دیر. «بیران کیشی آتینی یازدیرهدی. الف حرفی کوپ بولگن آتلرنی ۲۲ رقمگه یازه آلهمن که هر بیری بیر-بیریدن فرقلی دیر. ۷۰ افغانی یا-ده ۱۵۰ افغانی گه هم یازگنمین، یعنی بو ایشنی ینگیلیکده باشلهگنمین و مجبوریتیم یوق و قیزیققنمین بو ایشگه. ماشاءالله و کلمهی شریفنی یازهمن که بیران کیشی ساتیب آلسین دیب، بیراق پولگه نیازیم یوق و خطاطلیککه قیزیقهمن.»
بیزلرنینگ فیسبوک صحیفهمیزگه باش اورینگ!
محمدحنیفنینگ ایتیشیچه، عمریدن ۲۶ ییلینی سعودی عربستان ده الماری و قالین تجارتیده شغللنیش بیلن اوتکزگن؛ لیکن مذکور مملکتده سونگی پیتلرده تشقی سرمایه یاتقیزووچیلر گه تجاری چیکلاولر و اولکهگه بولگن قیزیقیشی، اونی توغیلگن ییری غزنی ولایتی تامان تارتگن. «او ییرده بیر یریم ییل ایشلهدیک و کیین اوزیمیز بیر یریم ییلدن کیین دکان آچدیک. شو رقم دکان توزهتیب و ۲۵ ییل بو دکانده قالین، فرش، الماری و شو رقم نرسهلر تجارتینی قیلدیم، لیکن او ییرده دکان بیر کیشینینگ اوز اسمیگه توزهلمهیدی و مینی دکانیم اوزیم اسمیمگه ایدی و هر کیم کیلیب بو سینگه قیینچیلیک یرهتهدی و ییر قانونی کوپ قیین دیر و دکاننی سات دیهر ایدیلر.»
محمد حنیف حکومت آرقهلی صناعتچیلرنینگ قوللب-قوتلنیشینی ایستهب و ایتیشیچه: «حکومتدن صناعتچیلر یانیگه باریب و اولر نی کوریشلرینی ایستهیمن. اولرگه یاردم بیرسینلر و قوللب-قوتلهسینلر. حاضر مین ۵۰۱۰ کلمهنی یازیب، اولردن برچهسینی ۳۰۰ چوکاتگه جایلشتیرگنمین.»
غزنی، افغانستاننینگ قدیمی ولایتلریدن بولیب و اوتمیشده، یوزلب شاعر، یازووچی و صناعتچی بو ولایتده یشهگن؛ لیکن زمان اوتیشی بو خصوصیتلرنی کمرنگ قیلیب و اوشبو ولایت یشاوچیلری تورلی سببلرگه، وقتلریدن آزگینهسینی هنر اوچون اختصاص بیرهدیلر.
