خلق‌ارا میدیالر نینگ گزارشی اساسیده، اسلامی امارت افغانستان نینگ محلی تلویزیون لری گه، خلق‌ارا تلویزیون‌لر جمله‌دن بی‌بی‌سی نینگ دستورلرینی توخته‌تیش بویروغینی بیرگن.
بی‌بی‌سی گه کوره، اسلامی امارت نینگ اوشبو بویروغی بیلن، افغانستان میدیالری، اوشبو مملکت‌ده بی‌بی‌سی نینگ پشتو، فارسچه و اوزبیکچه دستورلرینی قطع قیلگن.
بیزلرنینگ فیسبوک صحیفه‌میزگه باش اورینگ!
بی‌بی‌سی نینگ غیر انگلیسی تیل‌لر بولیمی باشلیغی طارق کفاله نینگ ایتیشیچه، افغانستان یشاوچیلری نامعلوم بیر وضعیتده ایکن بو کبی یانده‌شوو خواطرلی دیر.
او اسلامی امارت‌دن، قرارینی قیته تیکله‌ب، افغانستانده بی‌بی‌سی بیلن همکارلیک قیله‌دیگن‌لر ییتکیرمه‌لر، اوشبو تلویزیون نینگ دستورلرینی تیزلیک بیلن باشلش‌لری کیره‌ک دیگن.
بی‌بی‌سی نینگ تأکیدلشیچه، مستقل و طرف‌سیز شکلده نشراتی بولگن اوشبو تلویزیون نینگ افغانستانده هر هفته‌ده آلتی میلیون‌دن آرتیق ایزلاوچیسی بار و بو اساسی بیر موضوع دیر.
عین‌حالده، افغانستانده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، اسلامی امارت نینگ اوشبو قراری گه مناسبت بیلدیریب، اونی «خواطرلی اوزگریش» عنوان قیلگن.
بیزلرنینگ توییترده هم تعقیب قیلینگ!
یوناما توییتری‌ده یازیشیچه، اسلامی امارت افغانستان میدیالری گه، بوندن بویان خلق‌ارا میدیالر نینگ دستورلرینی نشر قیلمسلیک بویروغینی بیرگن. یوناما گه کوره، اسلامی امارت نینگ بو ایشی «افغانستان خلقینی سرکوب قیلیش بیر حرکت» دیر.
بی‌بی‌سی نینگ قطار دستورلری، افغانستان نینگ محلی تلویزیون‌لری آرقه‌لی نشر بولر ایدی. آریانانیوز تلویزیونی، افغانستانده بی‌بی‌سی نینگ فارسچه دستورینی ترقه‌تر ایدی و شمشاد و آرزو تلویزیون‌لری بی‌بی‌سی نینگ پشتو و اوزبیکچه دستورلرینی نشر قیلر ایدیلر.
