محمدداوود لغمانی اوتگن “دوشنبه” کونی رسمی شکلده ۲۰۹ شاهین قول اردو قومندانلیگی نینگ بیرینچی لواسیده فاریاب ینگی حاکمی صفتیده تانیتیلدی.
فاریاب ینگی حاکمی تانیتیلگنی دن سونگ، اوشبو ولایت یشاوچی‌لری ناراض‌لیک بیلدیریب ولایت مقامی نینگ کیریش ایشیگی‌نی باغله‌گنلر.
فاریاب ولایتیده اعتراض‌لرنینگ دوام قیلیشی نماینده‌لر کینگشی اعضالرینی خواطرلنتیرگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
بوگون “چهارشنبه” نماینده‌لر کینگشی اعضالری نینگ اوشبو کینگش عمومی ییغینیده ایتیش‌لریچه، اعتراض‌لرنینگ دوام قیلیشی فاریاب وضعیتی نینگ یمان بولیشی‌گه سبب بولگن و اوشبو ولایت یشاوچی‌لری اوروش جهازلری بیلن تجهیزلنگن‌لر.
- فاریاب ینگی حاکمی ملی اردو لواسیده تانیتیلدی؛ مارشال اوق آتیش بویروغی‌نی بیرگن
- فاریاب اعتراضچی‌لری: هیچ‌بیر اوچاغ‌گه قانیش و اوچیش اوچون رخصت بیرمه‌یمیز
- محمدداوود لغمانی ملی اردو بیرینچی لواسیده فاریاب حاکمی صفتیده تانیتیلدی
نماینده‌لر کینگشی اعضالریدن بولیمش فوزیه رووفی و گل‌احمد نورزاد نینگ ایتیشیچه، بو وضعیت دوام قیلگن صورتده، فاریاب ولایتیده اوروش باشله‌نیشی ممکن.
عین‌حالده، نماینده‌لر کینگشی باشلیغی میررحمان رحمانی، حکومت و سیاسی سیمالردن فاریاب ولایتیده بولگن جنجل‌لرگه نقطه اوچون سعی و حرکت قیلیش‌لرینی سوره‌گن.
جناب رحمانی نینگ ایتیشیچه، اعتراض‌لرنینگ دوام قیلیشی هیچ‌کیم نینگ منفعتی‌گه ایمس و سیاسی جریانلرنی شخصی سلیقه‌لری بیلن اهالی آره‌سیده نفاق تشلش‌گه سبب بولمه‌یش‌لری کیره‌ک.
ایتیلیشیچه، بوندن آلدین ملی مصالحه کینگشی باشلیغی عبدالله عبدالله هم فاریاب وضعیتیدن خواطر بیلدیرگن ایدی.
جناب عبدالله بیر اعلامیه آرقه‌لی، ولایت‌لرنینگ ییریک مسوول‌لرینی تعیین‌لنیشی خصوصیده اهالی حمایتی‌نی قولگه کیلتیریش کیره‌ک دیگن ایدی.