خبرچی‌لر شجاعت و ایش‌لریدن یادلش اوچون غور ولایتی بوییچه انسان حقوقی ایرکین کمیسیونی دفتری تامانیدن یولگه قوییلگن کورگزمه‌ده صدای غور رادیوسی نینگ سابق مدیر مسوولی بسم‌الله عادل ایماق نینگ آته‌سی گل‌محمد عادل‌نی ایتیشیچه، عایله اعضاسی نینگ ۴ عضوی اولدیریلگنیدن سونگ، او و عایله‌سی نینگ باشقه اعضالری جدی تهدید بیلن دوچ کیلگن.
گل‌محمد عادل نینگ ایتیشیچه، دولت اولرنینگ خوفسیزلیگی‌نی تامین‌لش اوچون دقت قیلمه‌گن صورتده، عایله اعضالری نینگ اولدیریلیشی‌گه گواه بولیشی ممکن. او، محلی و مرکزی مسوول‌لرنی دقتسیزلیککه عیب‌لب ایتیشیچه، جمهورلیک ریاستی تامانیدن یوباریلگن هیات زوروان‌لرنی فشاری آستیگه قرار تاپیب و هیچ‌بیر ایش قیلمه‌گن. گل‌محمد عادل، عایله اعضالری نینگ قاتل‌لرینی جزالنتیریلیشی اوستیگه تاکید قیله‌دی.
شونینگدیک، غور مدنی فعال‌لری و خبرچیلرنینگ اوشبو کورگزمه‌ده اشتراک قیلیب ایتیش‌لریچه، خبرچی‌لر خوفسیزلیک‌لرینی تامین‌لش اوچون حکومت نینگ سعی و حرکت قیلیشی کیره‌ک.
عین‌حالده، غور حاکمی اورین باسری حبیب‌الله رادمنش نینگ ایتیشیچه، خبرچی‌لر و ایرکین‌سوز خوفسیزلیگی‌نی تامین‌لش اوچون جدی شکلده سعی و حرکت قیله‌دیلر.
صدای غور رادیوسی نینگ سابق مدیر مسوولی بسم‌الله عادل ایماق اوتگن ییل جدی آیی‌ده غور مرکزی فیروزکوه شهری نینگ غربی ده ناتانیش قوراللی کیشی‌لر تامانیدن هجوم آُستیگه قرار بیریلیب اولدیریلگن ایدی.
