ایرانی رسانه‌لر نینگ گزارش بیریش‌لریچه، اسلامی امارت‌دن بیر هیأت افغانستان و ایران آره‌سیده‌گی چگره مسئله‌لر حقیده صحبت قیلیش اوچون، اوتگن کون تهران گه بارگن.
تسنیم خبرگزارلیگی ایتگن که، اوشبو هیأت اسلامی امارت تشقی ایشلر وزیرلیگی نینگ چگره ایشلری و خوفسیزلیک همکارلیک‌لر اداره رئیسی سعدالله بلوچ نینگ رهبرلیگی‌ده، افغانستان و ایران آره‌سیده‌گی چیگره عالی کمیسیونی نینگ ۷ جلسه‌سی گه شرکت قیلیب و ایرانی هیأت بیلن صحبت قیلیشی ممکن.
بیزلرنینگ توییترده هم تعقیب قیلینگ!
مذکور هیأت‌ده سعدالله بلوچ نی مدافعه، ایچکی ایشلر، انرژی و سوو، تشقی ایشلر و افغانستان قبیله‌لر و چیگره ایشلری وزیرلیکلریدن ۱۴ کیشی همراه‌لیک قیله‌دی.
تسنیم نینگ کوپه‌یتیریشیچه، افغانستان و ایران آره‌سیده چیگره عالی کمیسیونی نینگ ۷ جلسه‌سیده، ایکی مملکت آره‌سیده‌گی تورلی چیگره مسئله‌لر نینگ حل بولیشی ممکن.
بعضی چیگره قیین‌چیلیک‌لری نینگ موجودلیگی و مخدره ماده و انسان قاچاقی بیلن قرشی کوره‌ش اوچون هماهنگ‌لیک ایجاد قیلیش و شونینگدیک قوشمه چیگره‌لرده غیرقانونی گروه‌لر فعالیتی بیلن قوشمه شکلده قرشی کوره‌ش مسئه‌لری خصوصیده صحبت اوتکزیلیب و اوشبو مسئله‌لر کابل و تهران آره‌سیده اساسی بیتیم‌لر گه سبب بولیشی ممکن.
حاضرگچه اسلامی امارت مسئوللری بوتوغریده هیچ بیر نرسه دیمه‌گنلر. شونده‌ی بیرحالده، جاری هفته سه‌شنبه کونی، نیمروز ولایتی نینگ «میلک» چیگره‌سیده اسلامی امارت کوچلری و ایران چیگرهباشلری آره‌سیده آتیشمه یوز بیرگن ایدی.
بیزلرنینگ فیسبوک صحیفه‌میزگه باش اورینگ!
محلی منبع‌لر نینگ سلام‌وطندار گه ایتیش‌لریچه، مذکور آتیشمه اخلت ییغه‌دیگن بیر باله اوستیگه ایرانی چیگره‌باش‌لر تامانیدن اوق آتیلگنی نتیجه‌سیده، یوز بیرگن.
شونینگدیک ایرانی رسانه‌لر نینگ گزارش بیریش‌لریچه، اوشبو آتیشمه‌ده مملکت چیگره‌باشلریدن بیری محمد صیادی هلاک بولگن. بوندن آلدین هم اسلامی امارت کوچلری ایرانی و بیر قطار قوشنی مملکت‌لر چیگرهباشلری بیلن آتیشگنلر.
