مزارشریف اهالیسی شهر سقوط قیلیشی و طالبان حکومتی قیته تکرارله‌نیشی خصوصیده خواطرگه‌لر دیر. طالبان اوتگن کون ۱۰ کون جریانیده بلخ ولایتی نینگ ۷ تومنی نی نظارت گه آلیب و اوتگن کون ایسه مزارشریف شهری گه قدر ییتیشیش بیلن، اهالی نینگ خواطرلنتیرگن.
نماینده‌لر کینگشی ده جوزجان ملت وکیلی سیدعزیزالله الفتی نینگ ایتیشیچه، اوتگن کون مذکور ولایت نینگ منگجیک تومنیده‌گی حربیلر، طالبان گه تسلیم بولیش بهانه‌سی بیلن مذکور گروه جنگریلرینی هجوم آستیده آلگن. سیدعزیزالله الفتی گه کوره، بو حادثه‌ده ۴۰ طالب هلاک ایتیلگن.
بوگون “دوشنبه” نماینده‌لر کینگشی اعضالریدن بیرقطاری نینگ اوشبو کینگش عمومی ییغینیده ایتیش‌لریچه، جمهور رئیس غنی اوروش خصوصیده هیچ‌نرسه بیلمه‌یدی و انه‌شوو سبب، کون اوتیش بیلن امنیتی وضعیت یمان بولماقده.
نماینده‌لر کینگشی عضوی ضیا آریانژاد نینگ ایتیشیچه، جمهور رئیس مسلکی بیر کیشی ایمس و ارورش‌دن هیچ‌نرسه بیلمه‌یدی.
طالبان جنگریلرینی پروان ولایتی نینگ دره غوربند منطقه‌سیده هجوم قیلگنی و شینواری تومنی نینگ نمک‌آب دره‌سی طالبان قولیگه سقوط قیلگنی دن سونگ، اوشبو ولایت محلی مسوول‌لری مردمی کوچلرنینگ بسیج قیلیب امنیتی کوچلردن حمایت قیلیش مقصد ده دره غوربند ده یوباریلگنیدن خبر بیرگن‌لر.
اوتگن ۲۴ ساعت ده تخار نینگ ۸ تومنی طالبان نظارتی گه اوتگن. تخار ولایتیدن محلی منبعلرنینگ ایتیش‌لریچه، اوتگن بیر کیچه‌وکوندوز ده بو ولایت نینگ چال، خواجه غار، درقد، خواجه بهاوالدین، نمک‌آب، ینگی قلعه، هزار سموچ و دشت قلعه تومنلری طالبان قولیگه سقوط قیلگن.
تخار ولایتیدن بیر منبع نینگ سلام‌وطندارگه ایتیشیچه، اوتگن کیچه چال و هزارسموچ تومنلری و بوگون ایرته‌لب ینگی‌قلعه تومنی، آتیشمه یوزبیرمسدن طالبان نظارتی گه اوتگن. منبع گه کوره، امنیتی کوچلر تینچ‌اهالی و حربیلر تلفاتی نینگ آلدینی آلیش اوچون، حربی جهازلری بیلن تینچ بیر ییرده آرتده چیکیلگن.
ملی مصالحه عالی کینگش باشلیغی داکتر عبدالله عبدالله نینگ ایتیشیچه، طالبان اوروش آرقه‌لی غالب چیقیش‌لرینی توشونگن بیرحالده، اولر خطا قیلگن.
مملکت بوییچه بیرقطار تومن‌لرنی طالبان قولیگه سقوط قیلیشی بیلن کته ولایت‌لر سقوط قیلیش خطری بیلن روپه‌ره بولگن.
بوگون “شنبه” هلمند اهالیسی نینگ نماینده‌لر کینگشیده‌گی وکیل‌لری نینگ کابلده خبری بیر ییغین اوتکزیب ایتیش‌لریچه، اوشبو ولایت طالبان قمراویگه قرار تاپگن و حکومت دقت قیلمه‌گن صورتده طالبان قولیگه سقوط قیلیشی ممکن.
جوزجان ولایتی کینگش اعضالری نینگ ایتیش‌لریچه، اوشبو ولایت نینگ مردیان تومنی کمکی کوچ یوباریلمه‌گنی باعث، شدتلی آتیشمه‌دن سونگ، طالبان قولیگه سقوط قیلگن.
جوزجان ولایتی کینگش عضوی ملاامرالدین دانشجو نینگ ایتیشیچه، مردیان تومنی نینگ پولیس قومندانلیگی و تومن بناسی اوتگن کیچه طالبان قولیگه سقوط قیلگن.
بلخ ولایتی نینگ دولت‌آباد تومنی رسمی‌لری نینگ ایتیش‌لریچه، طالبان تامانیدن پارتلش ماده یوکلنگن موتر اوشبو تومن پولیس قومندانلیگی‌گه ییتیشمسدن آلدین امنیتی کوچلر تامانیدن هجوم آستیگه قرار بیریلیب پارتله‌تیلگن و نتیجه‌ده ۴ کیشی هلاک و باشقه ۱۸ کیشی یره‌لنگن. محلی مسوول‌لرنینگ ایتیش‌لریچه، اوشبو واقعه محل یشاوچی‌لریگه ۱۵ میلیون افغانی زیان ییتیشتیرگن.
پروان محلی مسئوللری نینگ ایتیش‌لریچه، غوربند نینگ نمک‌آب دره‌سیده محلی حربی عسکرلر و طالبان گروهی آره‌سیده بیر کیچه‌وکوندوز آتیشمه یوزبیرگنیدن کیین، هوایی یاردم ییتیشمه‌گنی باعث طالبان قولیگه سقوط قیلدی.
سرپل ولایتی کینگش اعضالری نینگ ایتیش‌لریچه، اوشبو ولایت نینگ صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک ایتیلگن. اولرنینگ ایتیش‌لریچه، اوشبو واقعه اوتگن کونی عصر چاغیده تاکتیکی ترک قیلیش جریانیده یوز بیرگن.
سرپل ولایتی کینگش اورین باسری سیداسدالله دانش نینگ سلام‌وطندارگه ایتیشیچه، دستلبکی آمارلرگه کوره، صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک و باشقه ۲۶ ته‌سی یره‌لنگن.
فراه ولایتی نینگ اناردره تومنیده جایلشگن امنیتی کوچلردن بیرقطاری نینگ سلام‌وطندارگه ایتیش‌لریچه، اوتگن کیچه‌دن بویان اوشبو تومنده شدتلی آتیشمه‌نی دوامی بار و کمکی کوچ یوباریلمه‌گنی سبب، بیر پوسته طالبان قولیگه سقوط قیلگن.
فراه ولایتی کینگش اورین باسری شاه‌محمود نعیمی نینگ سلام‌وطندارگه ایتیشیچه، اوتگن کونی عصر چاغیده اوشبو ولایت نینگ لاش‌وجوین تومنی کامل صورتده، طالبان قولیگه سقوط قیلگن.
فراه ولایتی کینگش اورین باسری نینگ کوپه‌یتیریشیچه، دستلبکی معلومات‌لرگه کوره، اوتگن بیر کیچه و کوندوز ده طالبان هجومی سبب، ملی اردو، ملی پولیس و ملی خوفسیزلیک حربی‌لری شامل ۳۰ کیشی هلاک ایتیلگن.
پکتیا ولایتی نینگ زرمت تومنی یشاوچی‌لری نینگ ایتیش‌لریچه، امنیتی وضعیت یمان بولگنی و طالبان گروهی نینگ تهدیدی سبب، ۲ مینگ‌دن آرتیق عایله اوشبو تومن‌دن آواره بولگن‌لر.
پکتیا ولایتی نینگ زرمت تومنی یشاوچی‌لریدن بیرقطاری اوشبو ولایت مرکزی گردیز شهریده بیر ییغین اوتکزیب مذکور تومنده ناتینچلیک‌لر کوپه‌یگنی و طالبان تهدیدی دن خواطر بیلدیرگنلر.
غور محلی مسوول‌لری نینگ ایتیش‌لریچه، اوشبو ولایت نینگ تولک تومنیده طالبان هجومی سبب، امنیتی کوچلردن ۱۹ ته‌سی هلاک ایتیلگن. تولک تومنی ولسوالی سلیمان یوسفی نینگ سلام‌وطندارگه ایتیشیچه، بو تومنده طالبان تامانیدن اویوشتیریلگن هجوم عاقبتیده، مردمی کوچلردن ۱۹ ته‌سی هلاک و باشقه ۱۲ ته‌سی یره‌لنگن و شونینگدیک، باشقه بیرقطاری درک‌سیز یوقالگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
