جوزجان ولایتی کینگش اعضالری نینگ ایتیش‌لریچه، طالبان گروهی جوزجان ولایتی نینگ آقچه تومنیده بنگی‌وار ماده‌گه چلینگن کیشی‌لرنی توپله‌ب بلخ ولایتیگه سورگون ایتگن.
جوزجان ولایتی کینگش عضوی بسم‌الله ساحل نینگ ایتیشیچه، اوشبو ولایت نینگ آقچه تومنیده بنگی‌وار ماده ساتیله‌دیگن دکان‌لر و سرای‌لر طالبان تامانیدن باغلنگن.
جوزجان پولیسی نینگ ۵- سمت آمری نجیبه دلاوری، امنیتی وضعیت نی تیکشیریش و حربی پوسته‌لرنی کوریش اوچون بو ولایت نینگ قوش‌تپه تومنی گه بارگن. خانم دلاوری طالبان گه قرشی اوروشیشی توغریسیده ایشانچ بیریب و طالبان گه تسلیم بولیش نی ننگ دیب بیله‌دی.
جوزجان مرکزی شبرغان شهریده اونلرچه عیال طالبان گروهی‌گه قرشی بسیج بولگنلر. اولرنینگ ایتیش‌لریچه، اوز ولایت‌لریدن دفاع قیلیش اوچون سعی و حرکت قیله‌دیلر.
جوزجان‌لیک عیاللرنینگ ایتیش‌لریچه، وطن، اهالی و مملکت ملی منفعت‌لریدن دفاع قیلیش ایرکک و عیاللرنینگ مسوولیتی دیر.
نماینده‌لر کینگشی ده جوزجان ملت وکیلی سیدعزیزالله الفتی نینگ ایتیشیچه، اوتگن کون مذکور ولایت نینگ منگجیک تومنیده‌گی حربیلر، طالبان گه تسلیم بولیش بهانه‌سی بیلن مذکور گروه جنگریلرینی هجوم آستیده آلگن. سیدعزیزالله الفتی گه کوره، بو حادثه‌ده ۴۰ طالب هلاک ایتیلگن.
سرپل یشاوچی‌لری و ولایتی کینگش اعضالری نینگ موتر کرایه‌سی و ییگولیک ماده بهاسی یوقاری گیتگنی‌دن خواطر بیلدیریب ایتیش‌لریچه، موتر کرایه‌سی ۵۰ افغانی‌دن ۵۰۰ افغانی و بیر بوجی اون نینگ بهاسی ۱۵۵۰ افغانی‌دن ۲۵۰۰ افغانی‌گه ییتیشگن.
اولرنینگ ایتیش‌لریچه، سرپل-جوزجان قتناو یولی بیر هفته دن بویان طالبان تامانیدن باغلنگن و مسافرلر باشقه خطرلی یول‌لر آرقه‌لی سفر قیله‌دیلر.
جوزجان ولایتی کینگش اعضالری نینگ ایتیش‌لریچه، اوشبو ولایت نینگ مردیان تومنی کمکی کوچ یوباریلمه‌گنی باعث، شدتلی آتیشمه‌دن سونگ، طالبان قولیگه سقوط قیلگن.
جوزجان ولایتی کینگش عضوی ملاامرالدین دانشجو نینگ ایتیشیچه، مردیان تومنی نینگ پولیس قومندانلیگی و تومن بناسی اوتگن کیچه طالبان قولیگه سقوط قیلگن.
جوزجان ولایتی کینگش اعضالریدن بیرقطاری نینگ ایتیش‌لریچه، اوشبو ولایت نینگ آقچه، فیض‌آباد، مردیان، خانقاه، منگجیک، قرقین، خماب، درزاب و قوش‌تپه تومن‌لری اقتصادی تحریم آستیگه قرار تاپگن.
جوزجان ولایتی کینگش اعضالریگه کوره، جوزجان مرکزی و ۷ ولایتیده امنیتی وضعیت خواطرلنترووچی دیر و دقت بولمه‌گن صورتده، مذکور تومن‌لری طالبان قولیگه سقوط قیلیشی ممکن.
هرات حاکمی سیدعبدالوحید قتالی نینگ ایتیشیچه، فرسی تومنیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور تومن پولیس قومندانی باشقه بیر حربی بیلن هلاک و شونینگدیک باشقه بیر حربی ایسه تن جراحتی کوتارگن. جناب قتالی نینگ ایتیشیچه، شونینگدیک مذکور آتیشمه‌ده ۱۳ طالب هلاک و باشقه ۶ طالب ایسه یره‌لنگن.
جوزجان مرکزی شبرغان شهریده یاش و یاش ییگیت‌لر آره‌سیده «تینچلیک اوچون بیر آواز» نامیده فرهنگی بیلشوو یولگه قوییلگن.
«امید دوباره» اجتماعی نهادی عضوی جان‌محمد حبیبی نینگ ایتیشیچه، اوشبو بیلشوو تینچلیک ایسته‌ش مقصد ده یاش‌لر و یاش ییگیت‌لر آره‌سیده یولگه قوییلگن.
فیض‌آباد تومن پولیس قومندانی محمد نادر نینگ ایتیشیچه، پاکستانلیک حربیلر طالبان همکارلیگی بیلن مذکور تومن نینگ گرجک قیشلاغیده باله‌لرگه خودکش هجوم نی تعلیمات بیره‌دی. جناب نادر گه کوره، طالبان برنامه‌لرینی عمل گه آشیریش اوچون ۸ الی ۱۰ یاشر باله‌لرنی تنله‌ب و تعلیمات بیریش اوچون اوزلری بیلن آلیب کیته‌دی.
جوزجان ولایتی بوییچه ایکینچی‌لیک ریاستی مسووللری نینگ ایتیش‌لریچه، ایپک قورتی پرورشی‌ده عیاللرنینگ علاقمندلیگی کوپ بولگنی سبب، اوشبو ولایت مملکت بوییچه ایپک قورتی تولید قیله‌دیگن ولایت‌لر جمله‌سیده بیرینچی اورین‌گه قرار تاپگن.
جوزجان یشاوچی‌لریدن قطاری نینگ ایتیش‌لریچه، یول قوریش، بنا قوریش و شهروندلیک شرطنامه شرکت‌لری طالبان گه باج بیره‌دی. جوزجان یشاوچی‌لریگه کوره، طالبان اوزاق ییرلرده و بو ولایت تومن‌لریده عمل گه آشیریله‌دیگن هر بیر پروژه و برنامه نینگ ۱۰ فایز بودجه‌سینی آله‌دی.
طالبان تامانیدن اوچ کون هییت آتیش کیسین اعلام ایتیلگنیدن کیین، جوزجان یشاوچی‌لری و مدنی فعاللردن اونلرچه‌سی توپله‌نیب و طالبان نینگ بو اقدام دن قدردانلیک قیلیش بیلن دایمی آتیش کیسین تأمین ایتیلیشی نی سوره‌شگن. اولرگه کوره، جاری اوروش نینگ هیچ قنده‌ی مفهومی یوق و مملکت نینگ ویران‌لیگی گه سبب بوله‌دی.
جوزجانده اوروش‌لرده قربان بولگن‌لرنینگ عایله‌لری اوشبو ولایت مرکزی شبرغان شهریده تینچلیک ایسته‌ش نامیده بیر ییغین یولگه قوییب اوروش یکونلنتیریلیشی و دایمی آتیش‌کسین ایسته‌گنلر.
اولرنینگ ایتیش‌لریچه، مملکتده ناتینچلیک و اوروش نینگ دوام قیلگنی سبب، بیوه عیاللر و یتیم قالگن باله‌لرنینگ سانی کوپه‌یماقده. قربان بولگن‌لرنینگ عایله‌لریگه کوره، بونده‌ی وضعیت قابل قبول ایمس و مفهومی بولمه‌گن اوروش یکونلنتیریلیشی کیره‌ک.
بوگون “دوشنبه” جوزجان ، فاریاب و بلخ ولایت‌لری یشاوچی‌لریدن مینگ‌لرچه‌سی مذکور ولایت‌لرده ناراضلیک نمایش یولگه قوییب، ایکی تامانلمه حرکت‌لر اهالی و حکومت آره‌سیده فاصله ایجاد قیله‌دی دیگنلر.
اعتراضچی‌لرنینگ ایتیش‌لریچه، حکومت شمالی ولایت‌لر یشاوچی‌لری نینگ ایستک‌لریگه ایجابی جواب قیترمه‌گن صورتده، اعتراض‌لرینی مملکت باشکنتی‌گچه ییتیشتیره‌دیلر.
جوزجان ایکینچی‌لیک و چارواچیلیک ریاست مسئوللری نینگ ایتیش‌لریچه، یاغیش میزانی کمه بولگنی باعث، قورغاوچیلیک تهدیدی یوقاری کیتگن و ایکینچیلر یمان وضعیت ده قرار تاپگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
