سکینه (مستعار اسم) بدخشانده طالبان نظارتی‌گه بولگن تومن‌لردن بیریده تیریک‌چیلیک قیله‌دی. سکینه نینگ تورموش اورتاغی (ایری) عایله‌سی نینگ خره‌جتی‌نی تامین‌لش اوچون قوشنی مملکت‌لردن بیریده ایش‌له‌یدی.
سکینه نینگ ایتیشیچه، طالبان گروهی منطقه‌لریده حاکم بولگنیدن سونگ، محرمی بولمه‌گن عیال‌نی بازار باریب نیازلرینی تامین‌لشی‌گه رخصت بیرمه‌یدی. اونینگ کوپه‌یتیریشیچه، محرمی بولمه‌گن عیاللر کسل بولگن صورتده، ساغلیک مرکزگه هم باره آلمه‌یدیلر.
سکینه نینگ ایتیشیچه: « تورموش اورتاغیم ایرانده و باله‌لریم بیلن یالغیز تیریک‌چیلیک قیله‌من و حاضرده محرمیم یوقلیگی سبب، اویدن چیقه آلمیمن، بازار و ساغلیک مرکزگه باره آلمیمن. باله‌لرمدن بیری کسل؛ لیکن محرمم بولمه‌گنی باعث، داکترگه آلیب باره آلمیمن.»
سلام‌وطندار اوزبیک بولیمی‌نی فیسبوک‌ده تعقیب قیلینگ
شونینگدیک، طالبان نظارتی‌گه بولگن منطقه‌لرده حیات کیچیره‌دیگن کیشیلرنینگ سلام‌وطندارگه ایتیشلریچه، طالبان حاکم بولگنیدن سونگ، اهالی نینگ یشش وضعیت‌لری عادی حالتدن چیقگن، دولتی اداره‌لر فلج بولگن و طالبان تامانیدن هیچ‌قنده‌ی خذمت ارایه ایتیلمه‌یدی.
بدخشان یشاوچیلریدن بیری سیدنورالله نینگ ایتیشیچه، طالبان گروهی منطقه‌لریده حاکم بولگنیدن سونگ، اهالی‌گه قرشی چیکلاو یره‌تگن.
بدخشان مدنی فعال‌لریدن بیری نصرت‌الله نینگ اهالی خواطرلرینی تصدیق‌لب ایتیشیچه، اهالی نینگ عادی یشش‌لری برهم اوریلگن و اولرگه قرشی قیینچیلیک‌لر کوپه‌یگن. اونینگ ایتیشیچه، دولتی اداره‌لر فلج بولگن و اهالی روحی نقطه‌نظردن یخشی ایمس.
بدخشان محلی مسووللری طالبان نظارتی‌گه تیریک‌چیلیک قیله‌دیگن اهالی نینگ وضعیتی خصوصیده معلومات بیریش‌نی ایستمه‌یدیلر.
انسان حقوقی فعال‌لریدن بیری نینگ بو وضعیت‌نی تصدیق‌لب ایتیشیچه، بدخشان اهالیسی کم بغل دیر و طالبان گروهی اوزلرینی اولرنینگ سفره‌سیگه شریک قیلگن. اونینگ ایتیشیچه، هرعایله طالبان ایکی عضوی گه آذیق-آوقات تیارلشگه مجبور دیر و بو وضعیت اهالی‌گه قرشی ظلم دیر.
اونینگ کوپه‌یتیریشیچه، طالبان گروهی بهارک و ارگو تومن‌لریده ایکی عیال‌نی محرمی بولگنی سبب، اویدن چیقگنی باعث، دوره اوریش‌گه قرار قیلگن، لیکن محل یشاوچیلری دخالتی قیلیب و بو ایشگه توسیق بولگن.
عین‌حالده، طالبان سوزلاوچی‌لریدن بیری ذبیح‌الله مجاهد نینگ بو ادعالرنی رد قیلیب ایتیشیچه، عیاللرگه قرشی هیچ‌قنده‌ی چیکلاو یره‌تیلمه‌گن. جناب مجاهد گه کوره، بدخشان بیرقطار تومن‌لریده وضعیت حربی دیر و اداره‌لر فعال ایمس و تیزلیککه مذکور اداره‌لرنینگ فعالیتلری عادی شکلده باشلنه‌دی.
بیزلرنی توییتر ده تعقیب قیلینگ
ذبیح‌الله مجاهد نینگ ایتیشیچه: «هیچ جایده چیکلاو یره‌تیلمه‌گن و بدخشان یشاوچیلری مسلمان دیر و سابق‌لرده هم مسلمان عیاللر حجاب بیلن اویدن چیقه‌ریکنلر. هیچ‌قنده‌ی چیکلاو یره‌تیلمه‌گن و تبلیغاتی کاغذلر ساخته دیر. بیرقطار تومن‌لرده وضعیت حربی دیر، اداره‌لرنی نظم و ترمیم گه نیازی بار، لیکن ساغلیک و معارف بولیمی فعال دیر و باشقه اداره‌لر هم ترمیم دن سونگ، فعال بوله‌دی.»
طالبان گروهی چیکلاو یره‌تیلگنی‌نی رد قیله‌دی، لیکن سکینه و بدخشان مینگلرچه یشاوچیلری کیله‌جکلری نینگ ناروشن‌لیگیدن خواطر بیلدیره‌دیلر.
ایتیلیشیچه، بدخشان ولایتی نینگ کران و کنجان تومنی خارج باشقه بوتون تومن‌لری طالبان نظارتی‌گه قرار تاپگن.
