افغانستان نی قیته قوریش اوچون آمریکا نینگ عمومی تیکشیریش اداره‌سی یا-ده سیگار، بیر گزارش آرقه‌لی افغانستان ده بانکی سیستم‌لر نینگ یامان بیر وضعیت‌ده قرار تاپگنی نی بیان قیلگن. مذکور اداره گه کوره، افغانستان ده بانکدارلیک سیستم وضعیتی کامل شکلده فلج بولگن و شونینگدیک اوشبو مملکتده مرکزی بانک فعالیتی توخته‌گن دیر.
مذکور اداره نینگ کوپه‌یتیریشیچه، دنیا بانکلری تامانیدن قوللب-قوت‌لنمه‌گنی سبب، افغانستان ده بانک‌لردن هیچ بیری کیچیک و خصوصی شرکت‌لر اوستیگه اعتماد قیلمه‌دیلر. سیگار نینگ گزارشی اساسیده، آمریکا نینگ افغانستان بانکلری گه پول تزریق قیلیشی ییترلی ایمس؛ بلکیم اوشبو مملکت بانکلری نینگ فعالیت‌لریدن حمایت قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
گزارش‌ده کیلگن که: «افغانستان بانکی توزومی فلج بولگن و شونینگدیک مرکزی بانک فعالیت‌دن قالگن دیر. باشقه بیر تاماندن، خلق‌ارا بانک‌لر حمایتی بولمه‌گنی سبب، افغانستان ده بانک‌لردن هیچ بیری کیچیک و خصوصی شرکت‌لر گه اعتماد قیلمه‌یدیلر.»
شونده‌ی بیرحالده، اقتصادی مسئله‌لر بیلرمان‌لردن قطاری نینگ سلام‌وطندار گه ایتیش‌لریچه، اسلامی امارت نینگ قدرت گه ایریشگنی بیلن، بوتون سکتور‌لر اینیقسه افغانستان ده بانکی نظام زیان کورگن دیر.
اولر نینگ ایشانچ‌لری گه کوره، افغانستان پول‌لری نینگ یاپیق قالگنی، دنیا جماعه بیلن اسلامی امارت نینگ ایجابی تعاملی بولمه‌گنی، بانک‌لر خصوصیده اهالی ایشانچ‌سیزلیگی، افغانستان دن دالر قاچاقی و بانک‌لرده فنی و متخصص ایشلاوچیلر نینگ یوقلیگی، مملکتده بانکی نظام گه تاثیر قوییگن عامل‌لردن دیر.
اقتصادی مسئله‌لر بیلرمان‌لر گه کوره، افغانستان بانک‌لریدن خلق‌ارا بانک‌لر نینگ حمایتی و دنیا جماعه بیلن اسلامی امارت تامانیدن رابطه برقرار بولیشی، افغانستان بانکی توزومی خصوصیده‌گی قیین‌چیلیک‌لر نینگ حل قیلیشی ممکن.
باشقه بیر تاماندن، بیرلشگن ملت‌لر تشکیلاتی نینگ رواجلنتیریش برنامه‌سی یا-ده «یوان‌دی‌پی» ایتگن که، افغانستان اقتصادی قیته قوریلیش ایشی نی اولیوتی گه قرار بیریشی ممکن.
بیزلرنینگ توییترده هم تعقیب قیلینگ!
افغانستان ده بیرلشگن ملت‌لر تشکیلاتی نینگ رواجلنیش برنامه نماینده‌سی عبدالله الدرداری، اوتگن کون آنلاین یولگه قوییلگن بیر ییغین‌ده تاکید قیلگن که، اوشبو اداره‌ده اجتماعی فعالیت‌لر نی یوقاری ایلتیش و افغانستان ده عیال‌لر فعالیتی‌دن حمایت قیلیش بیلن، اوشبو مملکت اقتصادی وضعیتی خصوصیده ایش قیلیش‌لری ممکن.
شونده‌ی بیرحالده، مملکتده یوز بیرگن سونگی اوزگریش‌لردن کیین، افغانستان بولیم‌لریدن برچه‌سی شدتلی شکلده زیان کورگن. اوشبو مملکت بانکلری گه میلیون‌لرچه دالر تشقی مملکت‌لر یا-ده دنیا تشکیلا‌ت‌لری تامانیدن یاردم بولگن؛ لیکن افغانستان ده بانکی سیستم وضعیتی نینگ توزه‌تیلیشی اوچون هیچ بی فایده‌سی یوق دیر.